પોરબંદરના રેલ્વેસ્ટેશન કમ્પાઉન્ડમાં રેલ્વે કર્મચારીઓ અને પોલીસકર્મચારીઓ આડેધડ વાહન પાર્ક કરીને મનમાની ચલાવી રહ્યા છે તો બીજી બાજુ મુસાફરોના સ્વજનો એકાદ મિનિટ માટે પણ પરિસરમાં વાહન લઇને ઉભા રહે તો તાત્કાલિક પાર્કિંગ સ્થળે મુકવા સુચના આપવામાં આવે છે તેથી યોગ્ય કરવા માંગ થઇ છે.
પોરબંદરના રેલ્વેસ્ટેશનને નવા રંગ‚પ આપવામાં આવ્યા છે તેની સાથોસાથ તેના કમ્પાઉન્ડમાં આડેધડ વાહનો પાર્કિંગ નહી કરવા માટે સ્પષ્ટ સૂચનાઓ મુકવામાં આવી છે આમ છતાં જ્યાં પાર્કિંગની મનાઇ છે ત્યાંજ રેલ્વેના કર્મચારીઓ, પોલીસ કર્મચારીઓ સહિત વગ ધરાવતા લોકો આડેધડ તેમના ટુવ્હીલર પાર્ક કરી રહ્યા છે. જ્યારે બીજી બાજુ કોઇ મુસાફરોને મુકવા માટે તેમના સગાસબંધીઓ ટુ વ્હીલર કે ફોરવ્હીલ લઇને આવે ત્યારે તેમને તાત્કાલિક પાર્કિંગ સ્થળેવાહન પાર્ક કરવા માટે સૂચના આપવામાં આવે છે તેમ જણાવી જાગૃત નાગરિકોએ આ મુદ્ે રેલ્વેના અધિકારીઓનું ધ્યાન દોરીને નિયમ બધા માટે સરખો હોવો જોઇએ રેલ્વેના કર્મચારી કે પોલીસને પીળો  પાસ આપવો જોઇએ નહીં તેવી માંગણી કરવામાં આવી હતી.