દેશી દારૂ, આથો અને ભઠ્ઠીના સાધનો કબ્જે લેતી પોલીસ

જામનગરના ખુલ્લી ફાટક બાવરીવાસ તથા કાલાવડ વિસ્તારમાં દેશી દારૂ અંગે આઠ સ્થળે દરોડા પાડીને મુદામાલ કબ્જે કરવામાં આવ્યો હતો.

જામનગરના ખુલ્લી ફાટક બાવરીવાસમાં રહેતી ગોદાવરીબેન ધરમપાલ પરમારને ત્યાંથી 2 લીટર દારૂ, 40 લીટર આથો અને ભઠ્ઠીના સાધનો મળી આવ્યા હતા. બાવરીવાસમાં રહેતી પાસાબેન બંસી ડાભીને ત્યાંથી 2 લીટર દારૂ, 40 લીટર આથો અને ભઠ્ઠીના સાધનો મળી આવ્યા હતા. બાવરીવાસમાં રહેતા જગતસીંગ રામસીંગ માલપરાને ત્યાંથી 3 લીટર દારૂ, 40 લીટર આથો અને ભઠ્ઠીના સાધનો મળી આવ્યા હતા. બાવરીવાસમાં રહેતા વિજયસીંગ રામસીંગ કોળીને ત્યાંથી 2 લીટર દારૂ, 40 લીટર આથો અને ભઠ્ઠીના સાધનો મળી આવ્યા હતા.

આ ઉપરાંત કાલાવડ ગ્રામ્ય પોલીસ દ્વારા દેશી દારૂ અંગે ચાર સ્થળે દરોડા પાડવામાં આવ્યા હતા, જેમાં મુરીલા ગામમાં મનસુખ મગન મકવાણાને ત્યાં 7 લીટર કાચો આથો મળી આવ્યો હતો તેમજ મકાજી મેઘપર ગામમાં રહેતા બાલુબેન સોમાર સાડમીયાને ત્યાથી 15 લીટર આથો અને માછરડા ગામમાં દશરથસિંહ દિપસિંહ ચૌહાણને ત્યાથી 12 લીટર કાચો આથો તેમજ લલોઇ ગામમાં સરોજબેન મહેશ સાડમીયાને ત્યાથી 15 લીટર આથો જપ્ત કરાયો હતો.