આ વર્ષે તમિલનાડુમાં યોજાનારી તમિલનાડુ વિધાનસભાની ચૂંટણીને ધ્યાનમાં રાખીને કોંગ્રેસ દ્વારા તૈયારીઓ કરવામાં આવી છે. ઈરોડ પહોંચેલા કોંગ્રેસના પૂર્વ અધ્યક્ષ રાહુલ ગાંધીએ એક બેઠક દરમિયાન ખેડૂતો અને ચીનનો મુદ્દો ઉઠાવ્યો છે. તેમણે કહ્યું છે કે જો ભારતના ખેડુતો, મજૂરો  મજબૂત હશે તો ચીન ક્યારેય દેશમાં પ્રવેશવાની હિંમત કરશે નહીં. વિશેષ વાત એ છે કે અભિયાનના પહેલા દિવસથી જ ગાંધી કેન્દ્ર સરકાર પર હુમલો કરનાર છે. તેઓ ભાષા અને ચીનના મુદ્દે વડા પ્રધાન નરેન્દ્ર મોદીની સરકાર પર સતત આરોપ લગાવી રહ્યા છે.

રાહુલ ગાંધીએ ઇરોડમાં કહ્યું હતું કે, 'જો ભારતના મજૂરો, ખેડુતો મજબૂત હોત, તો હું ખાતરી આપું છું કે ચીન ક્યારેય ભારતમાં પ્રવેશવાની હિંમત કરશે નહીં'. તેમણે એમ પણ કહ્યું હતું કે, જો ભારતના ખેડુતો, મજૂરો અને વણકર મજબૂત બનશે, તો ચીનના રાષ્ટ્રપતિ પણ ભારતમાં બનેલા શર્ટ પહેરશે. રવિવારે તેઓ ઇરોડ પહોંચ્યા હતા અને જાહેર સભાને સંબોધન કર્યું હતું. આ દરમિયાન તેમણે કહ્યું, 'હું અહીં મારા મનની વાત કેવા નથી આવ્યો, હું તમને સાંભળવા અહીં આવ્યો છું.'