​​​​​​​દક્ષિણ દિલ્હીની ગ્રેટર કૈલાશની સમરફિલ્ડ સ્કૂલને ધમકીભર્યો મેલ મળ્યો છે. આ મેલમાં સ્કૂલમાં બોમ્બ રાખવાની ધમકી આપવામાં આવી છે.

આ ઈમેલ રાત્રે 12.30 વાગ્યે મોકલવામાં આવ્યો હતો. પરંતુ જ્યારે શાળા પ્રશાસને શુક્રવારે સવારે 8.30 વાગ્યે ઈમેલ જોયો તો પોલીસને તેની જાણ કરવામાં આવી. આ પછી પોલીસ તરત જ એક્શનમાં આવી અને શાળાને ખાલી કરાવી અને તપાસ શરૂ કરી.

પોલીસના જણાવ્યા અનુસાર સ્કૂલમાં બોમ્બ મુકવામાં આવ્યો હોવાની આ ધમકી જૂઠાણું લાગે છે. આ મામલે એફઆઈઆર નોંધવામાં આવી છે અને તપાસ શરૂ કરવામાં આવી છે.

ઉલ્લેખનીય છે કે અગાઉ પણ એક સાથે 131 સ્કૂલોને બોમ્બથી ઉડાવી દેવાની ધમકી મળી હતી. જેમાં એક જ મેઈલ આઈડીમાંથી દરેક સ્કુઉલને મેઈલ કરવામાં આવ્યો હતો. આ બધી શાળાઓને મેઈલ વહેલી સવારે મળ્યો હતો. શાળામાં બોમ્બની ધમકી મળતા વિદ્યાર્થીઓને પાછા ઘરે મોકલવામાં આવ્યા હતા. આ મેઈલને કારણે વાલીઓ ચિંતિત હતા અને શાળાના સંચાલકોએ ફરિયાદ કરી હતી. પોલીસે આ ઈમેઈલની તપાસ કરી હતી અને તેનું રશિયા સાથે કનેક્શન હોવાનું બહાર આવ્યું હતું.