વડાપ્રધાન નરેન્દ્ર મોદી આગામી માર્ચ મહિનામાં બે વખત ગુજરાતની મુલાકાતે આવી રહ્યા છે પ્રથમ સૌરાષ્ટ્ર્રમાં જૂનાગઢ ખાતે વાઇલ્ડ લાઇફ ડે કોન્ફરન્સ નો પ્રારભં કરાવશે ત્યારબાદ દક્ષિણ ગુજરાતમાં મહિલા દિવસ સંબંધિત કાર્યક્રમમાં ઉપસ્થિત રહેશે.
વડાપ્રધાન નરેન્દ્ર મોદી માર્ચ મહિનામાં બે વાર ગુજરાત આવે તેવી શકયતા છે. મહિનાની શઆતમાં ૩ માર્ચ તથા તે પછી ૭ અને ૮ માર્ચે તેઓ ગુજરાતમાં બે અલગ–અલગ વિસ્તારમાં જશે. ૩જી માર્ચ દરમિયાન સાસણમાં યોજાનારી નેશનલ વાઇલ્ડ લાઇફ બોર્ડની બેઠકમાં ભાગ લેવા મોદી આવશે, યારે ૭ અને ૮ માર્ચે વિશ્વ મહિલા દિવસ સહિતની ઉજવણી માટે તેઓ સુરત અને નવસારીની મુલાકાત લેશે.
સૂત્રોના જણાવ્યા અનુસાર ૩ માર્ચે વિશ્વ વન્યસૃષ્ટ્રિ દિવસ છે અને તે દિવસે જ મોદી પોતે હોદ્દાની એ નેશનલ વાઇલ્ડલાઇફ બોર્ડના અધ્યક્ષ હોવાથી બેઠકમાં ભાગ લેવા સાસણ આવશે. અહીં તેઓ ૩૦૦૦ કરોડના પ્રોજેકટ લાયનનું લોંચિંગ કરશે.
આગામી ૨૦૪૭ના વર્ષને ધ્યાને રાખીને ગુજરાતમાં વધનારી સિંહોની વસતીને જોતાં આ પ્રોજેકટ હેઠળ સેટેલાઇટ સિંહ વસવાટ કેન્દ્રોમાં નિયંત્રણ, દેખરેખ અને પ્રાણીઓ માટેની હોસ્પિટલ સહિત સુવિધાઓ ખુલ્લ ી મુકાશે. તે પછી તેઓ ૭ માર્ચે સુરતમાં સાંજના સમયે અહીંના લિંબાયત વિસ્તારના નીલગીરી મેદાનમાં સરકારી યોજનાઓના લાભાર્થીઓને સહાય વિતરણ કાર્યક્રમમાં હાજરી આપશે. રાત્રિ રોકાણ સુરતમાં જ કરી બીજે દિવસે સવારે નવસારીમાં વિશ્વ મહિલા દિવસના કાર્યક્રમમાં ઉપસ્થિત રહેશે અને અહીં પણ મહિલાલક્ષી યોજનાઓના લાભાર્થીઓને સહાયનું વિતરણ કરશે.
સૂત્રોએ જણાવ્યું કે, સાસણના કાર્યક્રમમાં મોદી આવશે એ માટે વડાપ્રધાન કાર્યાલય તરફથી હજુ સુધી કન્ફર્મેશન આવ્યું નથી પરંતુ આ કાર્યક્રમમાં તેઓ ઉપસ્થિત રહેશે તેમ માનીને વિવિધ તૈયારીઓ અને આખરીઓ આપવામાં આવી રહ્યો છે. દક્ષિણ ગુજરાતના કાર્યક્રમો માટેની વડાપ્રધાન કાર્યાલય દ્રારા કન્ફર્મેશન આપી દેવાયું છે તેને ધ્યાનમાં લઈને સુરક્ષા વ્યવસ્થા અને કલેકટર દ્રારા તૈયારીઓ શ કરી દેવામાં આવી છે.