આજે, ૧ જૂન, સામાન્ય જનતાને ફરી એકવાર વધતી મોંઘવારીના કારણે ભારે ફટકો પડો છે. ગેસ કંપનીઓએ ફરી એકવાર કોમર્શિયલ એલપીજી સિલિન્ડરના ભાવમાં વધારો કર્યેા છે. ૧૯ કિલોગ્રામના કોમર્શિયલ સિલિન્ડરના ભાવમાં .૪૨નો વધારો કરવામાં આવ્યો છે. જયારે ૫ કિલોગ્રામના એફટીએલ (ફ્રી ટ્રેડ એલપીજી) સિલિન્ડરના ભાવમાં .૧૧નો વધારો કરવામાં આવ્યો છે.
નોંધનીય છે કે ગેસ કંપનીઓએ અગાઉના વધારા પછી બરાબર એક મહિના પછી ફરી એકવાર કોમર્શિયલ એલપીજી સિલિન્ડરના ભાવમાં મોટો વધારો કરવાનો નિર્ણય લીધો છે. આ પહેલા, ૧ મેના રોજ,કોમર્શિયલ એલપીજી સિલિન્ડરના ભાવમાં મોટો વધારો લાગુ કરવામાં આવ્યો હતો. તે સમયે, ભાવમાં . ૯૯૩નો વધારો કરવામાં આવ્યો હતો. મુખ્યત્વે હોટલ, રેસ્ટોરન્ટ અને નાના વ્યવસાયો વાણિિયક સિલિન્ડરનો ઉપયોગ કરે છે. પરિણામે, ગ્રાહકો માટે બહાર જમવાનું હવે વધુ મોંઘુ થવાનું છે. છેલ્લા છ મહિનામાં કોમર્શીયલ સિલીન્ડરના ભાવમાં ૯૭%નો તોતિંગ ભાવવધારો નોંધાયો છે.
જોકે ઘરેલુ એલપીજી સિલિન્ડરના ભાવ હાલમાં યથાવત છે.જે લાખો પરિવારોને થોડી રાહત આપે છે જેઓ પહેલાથી જ ફુગાવાના બોજથી ઝઝૂમી રહ્યા છે. એ નોંધવું યોગ્ય છે કે એલપીજીના ભાવમાં આ વધારો વૈશ્વિક ઉર્જા સંકટને કારણે જરી બન્યો છે, કારણ કે પશ્ચિમ એશિયામાં ભૂરાજકીય અસ્થિરતાને કારણે ક્રૂડ ઓઇલના ભાવમાં ભારે ઉછાળો આવ્યો છે. આ પુરવઠા શૃંખલામાં વિક્ષેપો અને આયાત સાથે સંકળાયેલા વધતા ખર્ચને કારણે ભારત હાલમાં જે ભારે દબાણનો સામનો કરી રહ્યું છે તે દર્શાવે છે...