સરકારી જમીન ઉપર થયેલા દબાણ ઉપર તત્રં બુલડોઝર ફેરવી ગેરકાયદેસર દબાણો દૂર કરવાનું નેક કામ કરી રહી છે પરંતુ સિવિલ હોસ્પિટલ અને ઝનાના હોસ્પિટલના મુખ્ય ગેઇટ પાસે જ નજર પડે ત્યાં દેખાતા લારી, ગલ્લા, કેબિનોના દબાણો સામે તત્રં કેમ લાજ કાઢી રહ્યુ હોવાથી આ દબાણો હવે દિવસેને દિવસે ફટ પારીથી રોડની બહાર આવી ગયા હતા છે, જેને લઈને રોજ બેરોજ ટ્રાફિક સમસ્યા ઉદ્દભવવાની સાથે સાથે રોડ પર ગંદકી પણ ફેલાઈ રહી છે. એક તરફ લારીઓ, કેબિનોના દબાણ અને બીજી બાજુ રિક્ષા ચાલકો અને ઇકો સહિતના પ્રાઇવેટ વાહનોનો અડિઁગો જમાવેલો હોવાથી વખતો વખત જીવન મરણ વચ્ચે ઝોલા ખાતા દર્દીઓ–પ્રસૂતાઓને લઈને આવતી ૧૦૮ એબ્યુલન્સ પણ હોસ્પિટલના ગેઇટ પાસે ફસાયેલી જોવા મળી છે.
અને આ અંગેના વખતો વખત સમાચારો પણ અખબારોમાં પ્રગટ થયા છે જેને લઈને ટ્રાફિક પોલીસ દ્રારા બે પાંચ દિવસ પૂરતી વોર્ડન ની વ્યવસ્થા ગોઠવામાં આવે છે જે પછી જૈસે થે એજ પરિસ્થિતિનું નિર્માણ થઈ રહ્યું છે, તો બીજી તરફ મહાપાલિકા તંત્રની દબાણ શાખા દ્રારા સમગ્ર શહેરમાં દબાણ હટાવ કામગીરી કરી રહી છે પરંતુ સિવિલ હોસ્પિટલ અને ઝનાના પાસે દબાણ હટાવની કામગીરી કરવાને બદલે આંખમીંચામણાં કરી રહી હોય તેમ લાગી રહ્યું છે.
સિવિલ હોસ્પિટલના ગેઈટથી હોસ્પિટલ ચોક સુધીની બંને સાઈડો અને ઝનાના હોસ્પિટલના મુખ્ય ગેઇટ પાસે યાં જુઓ ત્યાં દબાણો જોવા મળી રહ્યા છે જેને લઈને પસાર થતા વાહનો ચાલકો અને હોસ્પિટલના કમર્ચારીઓ પણ ત્રાહિમામ પોકારી ઉઠા છે. ત્યારે આ જાહેર દબાણો સામે પોલીસ અને મહાપાલિકા તત્રં લાજનો ઘૂંઘટ ઉતારી દબાણ દૂર કરવાની કાર્યવાહી કરે એ જાહેર નાગરિકોના હિતમાં વધુ જરી બન્યું છે