વિપક્ષી નેતા ધવલ નંદાએ મ્યુ.કમિશ્નરને લખેલો પત્ર

છેલ્લા કેટલાક સમયથી લાલપુર બાયપાસ ચોકડી પાસે ફલાય ઓવરબ્રિજનું કામ ચાલું થઇ ગયું છે તેમાં સર્વિસ રોડ ૪ કિલોમીટરનો અને ખંભાળીયા સાઇડ ૩.૫ કિલોમીટરનો તેમજ રાજકોટ હાઇવેમાં ૫૦૦ મીટરનો પ્લાન છે જયારે રાજકોટ હાઇવેમાં ૫૦૦ મીટરની જગ્યાએ ટ્રાફિકની સમસ્યા કે કોઇ અકસ્માત ન થાય તે માટે ૫૦૦ મીટરની જગ્યાએ ૩.૫ કિલોમીટરનો સર્વિસ રોડ બનાવવાની માંગણી જામ્યુકોના વિપક્ષી નેતા ધવલ નંદાએ મ્યુ.કમિશ્નરને લખેલા પત્રમાં માંગ કરી છે.
આ પત્રમાં જણાવાયું છે કે, રાજકોટ હાઇવેમાં જિલ્લા પંચાયતનગર કચેરી અને રેસીડેન્ટ વિસ્તાર તેમજ હાઇવેમાં મોરકંડા રોડ, મોરકંડા, પતારીયા, ખીમલીયા તેમજ હાઇવેમાં અનેક ગામો આવતા હોય તે બધા ગામોની રાજકોટ હાઇવેમાં અવરજવર ચાલું છે ત્યારે ૩.૫ કિલોમીટરનો સર્વિસ રોડ બનાવવામાં આવે એવી અમારી માંગણી છે.