પ્રિ-સ્કૂલ નોંધણીના નિયમોમાં ફેરફારની માંગ: બાળકોના શિક્ષણ પર માઠી અસર પડશે: મહિલાઓની રોજગારી પણ જોખમમાં મુકાશે

ગુજરાત સરકાર દ્વારા પ્રિ-સ્કૂલોની નોંધણી માટે નવા નિયમો જાહેર કરવામાં આવ્યા છે. પરંતુ આ નિયમો અત્યંત કડક હોવાથી પ્રિ-સ્કૂલ સંચાલકોમાં ભારે રોષ જોવા મળી રહ્યો છે. ગુજરાત ઇન્ડિપેન્ડન્ટ પ્રિ-સ્કૂલ એસોસિએશન દ્વારા રાજ્યના મુખ્યમંત્રી, શિક્ષણ મંત્રી સહિતના અધિકારીઓને રજૂઆત કરીને આ નિયમોમાં ફેરફાર કરવાની માંગ કરવામાં આવી છે. 

આ મુદ્દે જામનગર પ્રિ સ્કૂલ એસોસિએશન દ્વારા ૩ ડિસેમ્બર, ૨૦૨૪ ના રોજ ગાંધીનગર ખાતે શાંતિપૂર્ણ પ્રદર્શનનું આયોજન કરવામાં આવ્યું છે. આ પ્રદર્શનમાં જામનગરના તમામ પ્રિ-સ્કૂલ સંચાલકો ભાગ લેશે. આ દિવસે જામનગરમાં તમામ પ્રિ-સ્કૂલ બંધ રહેશે. પ્રિ-સ્કૂલ સંચાલકોની માંગ છે કે, સરકાર આ નિયમોમાં ફેરફાર કરીને પ્રિ-સ્કૂલ શિક્ષણને સરળ અને સસ્તું બનાવે

આ નિયમોમાં (બીયુ)બિલ્ડિંગ પરમિટ, ભાડા કરાર અને ટ્રસ્ટ નોંધણી જેવા મુદ્દાઓ સામેલ છે, જેને લઈને પ્રિ-સ્કૂલ સંચાલકોને ભારે મુશ્કેલી પડી રહી છે. આ નિયમોમાં ફેરફાર કરવાની માંગ સાથે જામનગર પ્રિસ્કૂલ એસોસિએશન દ્વારા કલેક્ટરને આવેદનપત્ર આપવામાં આવ્યું છે.

આ એસો. ના પ્રતિનિધિઓનું કહેવું છે કે, સરકારનો આ નિર્ણય સ્વાગતપાત્ર છે, પરંતુ નવા નિયમોમાં કેટલીક વિસંગતતાઓ છે જેના કારણે પ્રિ-સ્કૂલ સંચાલકોને મુશ્કેલી પડી રહી છે. જેમ કે, નવા નિયમોમાં મકાન માલિકી અંગેની શરતો ખૂબ કડક છે. જેના કારણે ઘણા પ્રિ-સ્કૂલ સંચાલકો નોંધણી કરાવી શકશે નહીં. આ ઉપરાંત, ભાડાના કરાર અંગેના નિયમો પણ ખૂબ જ કડક છે.

પ્રિ-સ્કૂલ સંચાલકોનું માનવું છે કે, આ નિયમોને લીધે ઘણા પ્રિ-સ્કૂલ બંધ થઈ શકે છે. જેના કારણે નાના બાળકોના શિક્ષણ પર માઠી અસર પડશે. તેમજ ઘણી મહિલાઓની રોજગારી પણ જોખમમાં મુકાશે.

પ્રિ-સ્કૂલ સંચાલકોની રજૂઆતોને ધ્યાનમાં રાખીને સરકારે નવા નિયમોમાં ફેરફાર કરવાની જરૂર છે. જેથી કરીને પ્રિ-સ્કૂલો સરળતાથી નોંધણી કરાવી શકે અને નાના બાળકોને સારું શિક્ષણ મળી શકે.

પ્રિ-સ્કૂલ સંચાલકોની મુખ્ય માંગો છે કે, મકાન માલિકી અંગેના નિયમોમાં છૂટછાટ આપવામાં આવે, ભાડાના કરાર અંગેના નિયમોમાં સરળતા આપવામાં આવે અને પ્રોપરાઇટરશિપ અથવા ભાગીદારીના ઓપ્શનને પણ મંજૂરી આપવામાં આવે.

પ્રિ-સ્કૂલો બાળકોના સર્વાંગી વિકાસ માટે ખૂબ જ મહત્વના છે. પ્રિ-સ્કૂલમાં બાળકોને શિક્ષણ ઉપરાંત સામાજિક કુશળતા, સર્જનાત્મકતા અને ભાવનાત્મક વિકાસ જેવી અન્ય ઘણી બધી કુશળતા શીખવા મળે છે.

સરકારે પ્રિ-સ્કૂલ સંચાલકોની રજૂઆતોને ગંભીરતાથી લેવી જોઈએ અને નવા નિયમોમાં જરૂરી ફેરફાર કરવા જોઈએ. જેથી કરીને પ્રિ-સ્કૂલો સરળતાથી નોંધણી કરાવી શકે અને નાના બાળકોને સારું શિક્ષણ મળી શકે. 

આવેદનપત્રમાં જણાવ્યા મુજબ, આ નવા નિયમોના કારણે ઘણા પ્રિ-સ્કૂલ બંધ થવાની સ્થિતિમાં છે. જેના કારણે નાના બાળકોના શિક્ષણ પર અસર પડી રહી છે. આ ઉપરાંત, આ નિયમોને કારણે પ્રિ-સ્કૂલ શિક્ષણ મોંઘુ બનશે અને સામાન્ય માણસ માટે પ્રિ-સ્કૂલ શિક્ષણ મેળવવું મુશ્કેલ બનશે.