વધુ રૂ. ૩૩.૩૨ લાખની વીજ ચોરી પકડાઈ

જામનગર પીજીવીસીએલ વર્તુળ કચેરી ની જુદી જુદી ચેકિંગ ડ્રાઈવ દ્વારા જામનગર શહેરના અને દરેડ ના કેટલાક વિસ્તારો ઉપરાંત ખંભાળિયા અને સલાયા ,દ્વારકા ,ઓખામંડળ માં વિજ ચેકિંગ કરવામાં આવ્યું હતું, અને બે  દિવસ દરમિયાન  ૧૦૫ .૫૫ લાખ ની વિજ ચોરી પકડી પાડવામાં આવી હતી.

દરમિયાન આજે સતત ત્રીજા દિવસે જામનગર શહેરમાં પાવર ચોરી ઝડપી લેવા માટે ચેકિંગ કામગીરી  કરવામાં આવી હતી. અને રૂપિયા ૩૩.૩૨ લાખ ની પાવર ચોરી ઝડપી લેવાઈ હતી. આમ ત્રણ દિવસમાં ૧૩૮.૮૭ લાખ ની પાવર ચોરી ઝડપાઈ છે

જામનગર પીજીવીસીએલ વર્તુળ કચેરી દ્વારા હાલારના બંને જિલ્લાઓમાં  પાછલા બે  દિવસ મા વિજ ચેકિંગ ટુકડીઓને દોડતી કરવામાં આવી હતી. આ બે દિવસ દરમિયાન રૂપિયા ૧૦૫.૫૫  લાખ ની પાવર ચોરી  ઝડપાઈ હતી

આ ઉપરાંત આજે સતત ત્રીજા દિવસે પણ ૩૦ ટીમ દ્વારા ચેકિંગ કરવામાં આવ્યું હતું. ખાસ કરીને જામનગર ના સન સીટી સોસાયટી, કાલાવડ નાકા બહાર, અમન ચમન સોસાયટી ,શંકર ટેકરી, જેલ રોડ ,શાસ્ત્રીનગર, ગોકુલ નગર, મયુર નગર સહિત ના વિસ્તારોમાં આજે કુલ ૩૯૭ વીજ જોડાણ. તપાસવામાં આવ્યા હતા જેમાંથી ૬૧.વીજ જોડાણમાં ગેરરિતી માલુમ પડી હતી. આવા આસામીઓને કુલ રૂપિયા ૩૩.૩૨ લાખના વીજ પૂરવણી બિલ આપવામાં આવ્યા છે. આમ ત્રણ દિવસના અંતે કુલ રૂ.૧૩૮.૮૭ લાખ ની પાવર.ચોરી ઝડપી લેવા મા આવી છે.