૪૪ વિજ જોડાણમાંથી રૂપિયા ૨૬.૩૫ લાખની વીજ ચોરી પકડી લેવાઇ

જામનગર શહેરમાં વીજ તંત્ર દ્વારા આજે સતત ત્રીજા દિવસે પણ વીજ ચેકિંગની કાર્યવાહી હાથ ધરવામાં આવી હતી, અને ૨૨ વિજ ચેકીંગ ટુકડીઓને દોડતી કરાવાઈ હતી. શહેરમાં ચેકિંગ દરમિયાન ૪૪ વિજ જોડાણમાંથી ગેરરીતિ મળી આવી છે, અને તેઓને ૨૬.૩૫ લાખના વીજ ચોરીના પુરવણી બિલો અપાયા છે.

જામનગર પીજીવીસીએલ વર્તુળ કચેરી ની ચેકિંગ ડ્રાઇવ દ્વારા આજે સવારે ફરીથી જામનગર શહેરના રામેશ્વર નગર, માટેલ ચોક, બેડેશ્વર, ધરાનગર વિસ્તાર, અંબાજી નો ચોક, રામવાડી વિસ્તાર, બચુ નગર સહિતના વિસ્તારમાં વિજ ચેકિંગ કરવામાં આવ્યું હતું.

૨૨ જેટલી વિજ ચેકિંગ ટુકડીને વહેલી સવારથી દોડતી કરવામાં આવી હતી, જેના માટે ૧૫ એસઆરપી ના જવાનોને મદદમાં જોડવામાં આવ્યા હતા.

સમગ્ર દિવસ દરમિયાન કુલ ૨૭૧ વીજ જોડાણ ચેક કરવામાં આવ્યા હતા. જે પૈકી ૪૪ વિજ જોડાણમાંથી ગેરરીતી મળી આવી છે, અને તેઓને રૂપિયા ૨૬.૩૫ લાખના વિજચોરીના પુરવણી બિલો અપાયા છે. ત્રણ દિવસ દરમિયાન આ૪૭.૦૯ લાખની વિજ ચોરી પકડી લેવાઇ છે.