જુગારના આ દરોડાની જાણવા મળતી વિગતો મુજબ, રાજકોટ ગ્રામ્ય એલસીબી પીઆઇ વી.વી.ઓડેદરાની રાહબરી હેઠળ પીએસઆઇ એચ.સી.ગોહિલ તથા તેમની ટીમ પેટ્રોલીંગમાં હતી દરમિયાન એએસઆઇ રવિદેવભાઇ બારડ, બ્રિજરાજસિંહ જાડેજા, વકારભાઇ અરબ, કોન્સ. પ્રકાશભાઇ પરમાર,મેહુલભા સોનરાજને મળેલી બાતમીના આધારે ગોંડલ તાલુકાના વેજાગામની સીમમાં જુગારની મહેફિલ પર દરોડો પાડયો હતો.પોલીસેને જોતા જ જુગારીઓમાં નાસભાગ મચી ગઇ હતી. પોલીસે અહીં જુગાર રમતા ચાર શખસોને ઝડપી લીધા હતાં.જેમાં ધીરૂભાઇ નનકુભાઇ ખાચર, મિલન જેન્તીભાઇ અઘેરા, મહેન્દ્રસિંહ જયુભા જાડેજા, નાનજીભાઇ ડાયાભાઇ ગોહેલનો સમાવેશ થાય છે. પોલીસે પટમાંથી રોકડ રૂ. ૩૬,૯૦૦ ત્રણ વાહન,ત્રણ મોબાઇલ સહિત કુલ રૂ. ૧,૪૧,૯૦૦ નો મુદ્દામાલ કબજે કર્યો હતો. દરોડા દરમિયાન ભાવેશ ઉર્ફે ભુરો પાનસુરીયા, હીતેશ નરશીભાઇ મહીડા અને પ્રફુલ બાવાજી નાસી ગયા હતાં.જેને ઝડપી લેવા પોલીસે તપાસ હાથ ધરી છે.

જયારે જુગારના અન્ય દરોડામાં મેટોડા પોલીસે ખીરસરા જુના ગામમાં સ્કુલ પાછળ રોડ પર જાહેરમાં જુગાર રમતા ચાર શખસોને ઝડપી લીધા હતાં.જેમાં દિલિપ દેવજીભાઇ દાફડા, કિશોર માધાભાઇ સાગઠીયા, સુનીલ મનજીભાઇ વાગડીયા અને સમીર ઉર્ફે સામો દામજીભાઇ સાગઠીયાનો સમાવેશ થાય છે. પોલીસે પટમાંથી રોકડ રૂ. ૧૩,૬૦૦ કબજે કરી કાયદેસરની કરી હતી.