આગામી જુલાઈ માસ થી અમલમાં આવી રહેલા નવા કાયદાની સમજ આપવા માટે આજે વકીલો ની  પોલીસ અધિકારી સાથે બેઠક યોજાઈ હતી, જેમાં પોલીસ અધિકારીઓને નવા કાયદા વિશે ની જાણકારી આપવામાં આવી હતી.

ડાયરેકટર ઓફ પ્રોસીક્યુશનની કચેરીના આદેશ અનુસાર આગામી તાં. ૦૧/૦૭/૨૦૨૪ ના રોજ અમલ માં આવનાર નવા કાયદા અનુસંધાને જામનગર  પોલીસ અધિક્ષક પ્રેમસુખ ડેલૂ  ના માર્ગદર્શન હેઠળ જિલ્લા સરકારી વકીલ જમનભાઈ ભંડેરી ના અધ્યક્ષ સ્થાને તથા જયવીરસિંહ ઝાલા નાયબ પોલીસ અધિક્ષક  ની સહ-અધ્યક્ષતા માં પોલીસ હેડ કવાર્ટર ખાતે બેઠકનું આયોજન કરવામાં આવ્યું હતું.

જેમાં જિલ્લાના આસિસ્ટન્ટ પબ્લિક પ્રોસીક્યુટરો, તપાસ કરનાર અધિકારીઓ/કર્મચારીઓ મળી આશરે ૧૦૦ લોકો એ ભાગ લીધો હતો. અને લાગુ થવામાં આવનાર નવા કાયદાઓ વિષે ચર્ચા-વિચારણા કરી. પબ્લિક પ્રોસીક્યુટર દ્વારા નવા કાયદા વિષે પોલીસ અધિકારી ઓ/કર્મચારીઓ ને સમજ કરવામાં આવી હતી.