શહેરમાં કાયદો અને વ્યવસ્થા જળવાઈ રહે તે માટે નાસતા ફરતા આરોપીઓને ઝડપી લેવા બુટલેગરો અને માથાભારે શખ્સ સામે કોર્ટમાંથી બિન જામીન લાયક વોરંટો તથા સજા પડેલો હોય તેવા આરોપી મળી ન આવતા હોય તેને શોધી કાઢવા પોલીસ કમિશનર બ્રજેશકુમાર ઝા એ આપેલી સૂચનાને પગલે ગાંધીગ્રામ પોલીસ મથકના પીઆઈ એસ.આર. મેઘાણીની રાહબરીમાં પીએસઆઇ એ.એસ.મકરાણી તથા તેમની ટીમે અલગ અલગ બે ગુનામાં સજાના વોરંટ સામે નાસતો ફરતો અને માધાપર ગામે પોસ્ટ ઓફિસ સામે રહેતો વિજય પાંચાભાઇ વાદી નામના શખસને હેડ કોન્સ્ટેબલ રવિભાઈ અને રોહિતદાનને મળેલી બાતમીના આધારે ઝડપી લઇ જરૂરી કાર્યવાહી કરી હતી.

જ્યારે ગાંધીગ્રામ પોલીસે અન્ય એક કામગીરીમાં મૂળ રાજકોટ તાલુકાના હડાળા ગામનો વતની અને હાલ ગાંધીગ્રામ વિસ્તારના શ્યામનગરમાં રહેતો કમલેશ છોટાલાલ માંડવીયા સજાના વોરંટ સામે નાસતો ફરતો હોય તેને હેડ કોન્સ્ટેબલ સહદેવસિંહ અને મસરીભાઈને મળેલી બાતમીના આધારે ઝડપી લઇ કાયદેસરની કાર્યવાહી કરી હતી.