પોરબંદરમાં રજવાડી ડેરીફાર્મના વયોવૃધ્ધ માલિક સામે જાહેરનામા ભંગનો ગુન્હો દાખલ થયો છે જેમાં તેમણે પરપ્રાંતીય ઇસમોને બે ત્રણ વર્ષથી કામે રાખ્યા હોવા છતાં હજુ સુધી પોલીસને તેને જાણ કરી ન હતી જેથી પોલીસે તેમની ધરપકડ કરી છે.
પોરબંદરના નરસંગ ટેકરીની જયભારત સોસાયટીના પરીલોક ખાતે રહેતા બીપીનભાઇ હિંમતલાલ મોઢા નામના ૬૩ વર્ષના વૃધ્ધે તેમની નરસંગ ટેકરી વિસ્તારમાં આવેલ રજવાડી ડેરી ફાર્મ ખાતે પરપ્રાંતીય મજૂરોને કામે રાખ્યા હતા જેમાં ઉતરપ્રદેશના વિનયકુમાર  રાજેશકુમાર, રાઘવેન્દ્ર વીરેન્દ્રસિંહ, સમસાદઅલી શકીલઅલી, આશિષકુમાર રાજેશકુમાર અને પ્રતિમુનિ સીક્ધદરસિંહને છેલ્લા બે ત્રણ વર્ષથી કામે રાખ્યા હતા પરંતુ બીપીનભાઇ મોઢાએ પોલીસ સ્ટેશનમાં તેની નોંધણી કરાવી ન હતી અને તેનું રજીસ્ટર પણ નીભાવ્યુ ન હતુ. માટે મજૂરોની નોંધણીના જાહેરનામાના ભંગ બદલ બીપીનભાઇ મોઢા સામે ગુન્હો નોંધીને પોલીસે તેમની ધરપકડ કરી છે.