ભાટીયાનો શખ્સ વિદેશી દારૂ સાથે ઝડપાયો
ખંભાળિયા તાલુકાના ભરાણા ગામેથી કેફી પીણું પીધેલી હાલતમાં સ્પ્લેન્ડર મોટરસાયકલ પર નીકળેલા કલ્યાણપુર તાલુકાના રાણ ગામના હરદાસ રણમલ સાખરા નામના 28 વર્ષના શખ્સને વાડીનાર મરીન પોલીસે ઝડપી લીધો હતો.

કલ્યાણપુર તાલુકાના રાવલ ગામના નિલેશ લખુ બારીયા (ઉ.વ. 21) ને રૂપિયા 25 હજારની કિંમતના સ્પ્લેન્ડર મોટર સાયકલ પરથી, જ્યારે ઓખાના આર.કે. બંદર વિસ્તારમાંથી શામળાસર ગામના રહીશ શુક્લભા કરમણભા માણેક નામના 36 વર્ષના યુવાનને રૂપિયા 15 હજારની કિંમતના સ્પ્લેન્ડર મોટરસાયકલ પરથી, મીઠાપુર તાબેના ગાયત્રીનગર વિસ્તારમાં રહેતા કારાભા કરમણભા સુમણીયા નામના 43 વર્ષના શખ્સને ડીલક્સ મોટરસાયકલ પરથી ઉપરાંત ગઢેચી ગામના કનુ રાણા ચાનપા નામના 35 વર્ષના શખ્સને મીઠાપુર પોલીસે પીધેલી હાલતમાં ડીલક્સ મોટરસાયકલ પર નીકળતા ઝડપી લઈ, ધોરણસર કાર્યવાહી કરવામાં આવી હતી.

જ્યારે કલ્યાણપુર તાલુકાના ભાટીયા ગામે રહેતા રમેશ બુધા ચાવડા નામના શખ્સના રહેણાંક મકાનમાં પોલીસે દરોડો પાડી, રૂપિયા 2,480 ની કિંમતની પરપ્રાંતીય શરાબની ચાર બોટલ કબજે કરી, ગુનો નોંધ્યો હતો.