આજે પણ પૃથ્વી પર એવી ઘણી જગ્યાઓ છે જ્યાં મનુષ્ય જઈ શકતો નથી, જેનું કારણ બીજું કોઈ નહીં પણ મનુષ્ય જ છે. એવી કેટલીક જગ્યાઓ છે, જ્યાં મનુષ્યને જવાની મનાઈ છે. આનું કારણ પણ ઘણું રસપ્રદ છે.

નોર્થ સેન્ટિનલ આઈલેન્ડ એ બંગાળની ખાડીમાં સ્થિત આંદામાન દ્વીપનો એક ટાપુ છે. તે દક્ષિણ આંદામાન જિલ્લામાં આવે છે. જોકે અહીં કોઈને જવાની પરવાનગી નથી. આ ટાપુની મુલાકાત ન લેવાનું કારણ અહીં રહેતા આદિવાસીઓ છે, જેમનો દુનિયા સાથે કોઈ સંપર્ક નથી. આ 23 ચોરસ માઈલનો એક નાનકડો ટાપુ છે, જેના પર માણસો 60 હજાર વર્ષોથી રહે છે પરંતુ આજે પણ તેમનો ખોરાક અને જીવનશૈલી દુનિયા માટે એક રહસ્ય છે.

રસપ્રદ વાત એ છે કે કોઈ પણ બહારના વ્યક્તિ નોર્થ સેન્ટિનલ આઈલેન્ડની મુલાકાત લઈ શકે નહીં. ભારત સરકારે અહીંની આદિવાસીઓની સુરક્ષા માટે આંદામાન અને નિકોબાર ટાપુઓ નિયમન, 1956 જારી કર્યું છે. અહીં વહીવટીતંત્ર સિવાય અન્ય કોઈના પ્રવેશ પર પ્રતિબંધ છે. એવું માનવામાં આવે છે કે અહીં રહેતા લોકો વિદેશીઓ સાથે દુશ્મનો જેવો વ્યવહાર કરે છે.

આ આદિજાતિ હજારો વર્ષોથી એકલતામાં જીવે છે

નોંધનીય વાત એ છે કે આ ટાપુ આંદામાન નિકોબાર ટાપુઓની રાજધાની પોર્ટ બ્લેરથી માત્ર 50 કિમી દૂર છે. સેન્ટીનેલ જનજાતિ તેના પર રહે છે અને તેઓએ આજ સુધી કોઈ બાહ્ય હુમલાનો સામનો કર્યો નથી. આ લોકોની ઊંચાઈ ટૂંકી હોય છે. રિસર્ચમાં કરવામાં આવેલી કાર્બન ડેટિંગ દ્વારા જાણવા મળ્યું કે આ જનજાતિ અહીં 2000 વર્ષથી રહે છે. માત્ર પસંદગીના લોકોએ જ અહીંના લોકોને જોયા છે. જો કોઈ વ્યક્તિ આ લોકો સાથે વાત કરવાની કોશિશ પણ કરે છે. તો અહીં રહેતી આદિજાતિ તેને પસંદ નથી કરતી અને તે વ્યક્તિ પર હુમલો કરે છે.

સામાન્ય લોકો આ ટાપુઓની મુલાકાત પણ લઈ શકતા નથી

નોર્થ સેન્ટીનેલ આઇલેન્ડ સિવાય  આંદામાન નિકોબાર દ્વીપસમૂહમાં અન્ય ઘણા ટાપુઓ છે, જ્યાં આદિવાસીઓ રહે છે. આમાંના કેટલાક ટાપુઓ પર બહારના લોકોના પ્રવેશ પર પણ પ્રતિબંધ છે. આ સિવાય એમેઝોન રેઈનફોરેસ્ટમાં ઘણા ટાપુઓ છે જ્યાં આદિવાસીઓ રહે છે. આ આદિવાસીઓ પણ બહારની દુનિયાથી અલગ રહેવાનું પસંદ કરે છે.