યાત્રાધામોમાં મંદિર પ્રશાશન દ્વારા લાગુ કરવામાં આવેલા અમુક ડ્રેસ કોડ સામે ભક્તોને કયારેક અસંતોષ હોય છે. આવો જ બનાવ કેરળના અયપ્પા મંદિરમાં બન્યો હતો જ્યાં પુરુષોને શર્ટ ઉતારીને જ અંદર દર્શન કરવા જવાનો નિયમ છે પરંતુ અમુક પુરુષોએ તેની સામે વાંધો ઉઠાવીને શાંતિપૂર્ણ વિરોધ કર્યો હતો અને શર્ટ ઉતાર્યા વિના દર્શન કર્યા હતા. જો કે મંદિર પ્રશાશને કોઈ વાંધો ન ઉઠાવતા હંગામો ટળ્યો હતો.એક પોલીસ અધિકારીએ કહ્યું, 'વિરોધ શાંતિપૂર્ણ હતો. મંદિર મેનેજમેન્ટે પહેલાથી જ સ્પષ્ટ કરી દીધું હતું કે જો કોઈ શર્ટ કાઢ્યા વિના મંદિરમાં પ્રવેશ કરે તો તેમને કોઈ વાંધો નથી.

કેરળના પઠાણમથિટ્ટામાં ભગવાન અયપ્પા મંદિરમાં કેટલાક પુરુષ ભક્તોએ લાંબા સમયથી ચાલી આવતી આ પ્રથાનો વિરોધ કર્યો. આ માટે, તેઓ પોતાનો શર્ટ કાઢ્યા વિના મંદિરની અંદર ગયા. અયપ્પા મંદિરમાં પ્રવેશતા પહેલા પુરુષ ભક્તોએ પોતાનો શર્ટ ઉતારવો ફરજિયાત છે. આ કેસમાં સામે આવેલા ફોટોગ્રાફ્સ દ્વારા કેટલાક લોકોની ઓળખ કરવામાં આવી છે.સંયુક્ત સમારા સમિતિના સભ્યો ત્રાવણકોર દેવસ્વોમ બોર્ડ દ્વારા સંચાલિત પેરુનાડુ ખાતે મંદિરની સામે કતારમાં ઉભા હતા અને તેમના શર્ટ ઉતાર્યા વિના પ્રાર્થના કરતા જોવા મળ્યા હતા.

પ્રદર્શનકારીઓનો વિરોધ કોઈ મોટી ઘટના વિના સમાપ્ત થયો કારણ કે પોલીસ કે મંદિર મેનેજમેન્ટે કોઈ ચોક્કસ વાંધો ઉઠાવ્યો ન હતો. બાદમાં વિરોધીઓએ માંગ કરી હતી કે પુરુષ ભક્તોના ઉપરના વસ્ત્રો ઉતારવાની પ્રથા કાયમ માટે નાબૂદ કરવામાં આવે. મંદિર મેનેજમેન્ટે પહેલાથી જ સ્પષ્ટતા કરી દીધી હતી કે જો કોઈ શર્ટ કાઢ્યા વિના મંદિરમાં પ્રવેશ કરે તો તેમને કોઈ વાંધો નથી. જોકે, ભક્તો પરંપરાગત રીતે આ પ્રથાનું પાલન કરે છે.