પોરબંદર જીલ્લાના ગ્રામ્યપંથકમાં વરસાદને લીધે ધોવાયેલા રસ્તામાં પેચવર્ક કરી સમથળ બનાવવામાં આવી રહી છે.
પોરબંદરમાં રામવાવ, સીમર,રોજીવાડા તથા અન્ય ગ્રામ્ય વિસ્તારમાં પેચ વર્કની કામગીરી પ્રગતિ હેઠળ છે.જિલ્લા વહીવટી તંત્ર દ્વારા ચોમાસા દરમિયાન ધોવાયેલા રોડ રસ્તાની મરામત થઇ રહી છે.પોરબંદર જિલ્લામાં પડેલ અતિભારે વરસાદ દરમિયાન એક ગામથી બીજા ગામને જોડતા રસ્તાઓનું ધોવાણ થયું હતુ.રોડ રસ્તાઓનું ધોવાણ થયું હોવાના કારણે વાહનચાલકો સહિતના રાહદારીઓને અવરજવર કરવામાં મુશ્કેલીનો વેઠવી ન પડે તે માટે જિલ્લા વહીવટી તંત્ર દ્વારા વરસાદે વિરામ લીધો ત્યારથી જ રોડ રસ્તાના કામોની મરામત કરવામાં આવી રહી છે. પોરબંદર જિલ્લાના ગ્રામ્ પંથકમાં એક ગામથી બીજા ગામને જોડતા રોડ રસ્તાઓ ઉપર પડેલ ગાબડામાં મોહરમ નાખી ગાબડા બુરવા અને મોટાભાગના રસ્તાઓને ડામરથી મઢવામાં આવી રહ્યા છે.વરસાદ દરમિયાન ધોવાણ થયેલ માર્ગોની મરામતની કામગીરી પુરજોશમાં ચાલી રહી છે.પોરબંદરના રામવાવ, સીમર, રોજીવાડા તથા અન્ય ગ્રામ્ય વિસ્તારમાં પેચ વર્કનું કામ થઈ રહ્યું છે.જેથી રાહદારીઓને વેઠવી પડતી સમસ્યા માંથી છુટકારો મળી રહ્યો છે.