કમરતોડ મોંઘવારી અને દેવું લાખો કરોડોમાં ચાલી રહ્યું છે, આજે પાકિસ્તાનની હાલત એવી છે કે તેને આર્થિક મદદ માટે બીજા દેશો સુધી પહોંચવું પડે છે. આ દરમિયાન એક ચોંકાવનારો રિપોર્ટ આવ્યો છે જેમાં કહેવામાં આવ્યું છે કે વર્ષ ૨૦૭૫ સુધીમાં જાપાન, ફ્રાન્સ, જર્મની અને રશિયા જેવા દેશોને પાછળ છોડીને પાકિસ્તાન વિશ્વની છઠ્ઠી સૌથી મોટી અર્થવ્યવસ્થા બની જશે. ગોલ્ડમેન સેકસે 'પાથ ટુ ૨૦૭૫' નામનો રિપોર્ટ જાહેર કર્યેા છે, જેમાં કહેવામાં આવ્યું છે કે પાકિસ્તાન આગામી ૫૧ વર્ષમાં આર્થિક રીતે મજબૂત બનશે.
૧૯૮૦ થી ૨૦૨૨ સુધીના આંકડાઓ પર નજર કરીએ તો સૌથી મોટી અર્થવ્યવસ્થા ધરાવતા ટોચના ૧૫ દેશોમાં પણ પાકિસ્તાન દેખાતું નથી. એટલું જ નહીં, રિપોર્ટમાં ૨૦૫૦ માટે એવો અંદાજ પણ લગાવવામાં આવ્યો છે કે જે ૧૫ દેશો છે જે ૨૬ વર્ષમાં સૌથી મોટી અર્થવ્યવસ્થા બની જશે. આમાં પણ પાકિસ્તાનનું નામ નથી, પરંતુ ૨૦૭૫ના અનુમાનના આધારે બનાવેલી યાદીમાં પાકિસ્તાન છઠ્ઠા નંબર પર છે.
'પાથ ટુ ૨૦૭૫' રિપોર્ટ અનુસાર, ૨૦૭૫ સુધીમાં ચીન વિશ્વની સૌથી મોટી અર્થવ્યવસ્થા બની જશે, ભારત બીજા ક્રમે આવશે, યારે અમેરિકા પ્રથમથી ત્રીજા સ્થાને જશે. ઈન્ડોનેશિયા ચોથા સ્થાને અને નાઈજીરિયા પાંચમા સ્થાને રહેશે. આ પછી પાકિસ્તાનને છઠ્ઠા નંબર પર બતાવવામાં આવ્યું છે.
અહેવાલમાં ઉમેરવામાં આવ્યું છે કે આને આગાહી તરીકે જોવું જોઈએ નહીં, પરંતુ વિવિધ દેશોમાં વૈશ્વિક ગતિશીલતા કેવી રીતે વિકસિત થઈ શકે છે તેના માર્ગદર્શિકા તરીકે જોવી જોઈએ. આ પહેલા પણ ઘણા અહેવાલો આવી ચૂકયા છે જેમાં ૨૦૫૦ સુધીમાં વિશ્વની સૌથી મોટી અર્થવ્યવસ્થાઓ વિશે આગાહી કરવામાં આવી છે. આ રિપોટર્સમાં ચીન, ભારત, અમેરિકા અને ઈન્ડોનેશિયાને લઈને પણ આ જ ભવિષ્યવાણી કરવામાં આવી છે. આ આંકડાઓ રજૂ કરતી વખતે, અહેવાલોમાં કહેવામાં આવ્યું હતું કે વિકસિત દેશોની તુલનામાં વિકાસશીલ દેશોની અર્થવ્યવસ્થામાં વધુ વૃદ્ધિ જોવા મળી શકે છે.
અહેવાલમાં જણાવાયું છે કે ટૂંકા ગાળાના અંદાજો બિઝનેસ ચક્ર અને કોરોનાવાયરસ રોગચાળા જેવી પરિસ્થિતિઓથી પ્રભાવિત થાય છે, તેથી નિષ્ણાતો લાંબા ગાળાના વલણો પર ધ્યાન કેન્દ્રિત કરે છે, પરંતુ એવા સંકેતો પણ છે કે આબોહવા પરિવર્તન જેવી બાબતોમાં નોંધપાત્ર જોખમ છે. યુએસ નેશનલ ઈન્ટેલિજન્સ કાઉન્સિલે ઓકસફોર્ડ ઈકોનોમિકસને ટાંકીને કહ્યું કે ૨૦૪૦ સુધીમાં ભારત વિશ્વની ત્રીજી સૌથી મોટી અર્થવ્યવસ્થા બની જશે અને પાકિસ્તાન ૨૩માં નંબર પર હશે
લાઈક અને ફોલો કરો અમારું ફેસબુક પેજ FACEBOOK - AAJKAALDAILY
ફોલો કરો અમારું ઇન્સ્ટાગ્રામ INSTAGRAM - AAJKAALDAILY
સબસ્ક્રાઈબ કરો અમારી યૂ ટ્યૂબ ચેનલ YOUTUBE - AAJKAALDAILY
મહત્વના સમાચારો આપના મોબાઇલમા મેળવવા માટે જોડાઓ અમારા વોટ્સએપ ગ્રૂપમાં 99251 12230
View News On Applicationઆ અભિનેતાએ તેની કેરિયર માટેની છેલ્લી ફિલ્મ માટે વસૂલી આટલી ફી, શાહરૂખ ખાનને પણ છોડી દીધો પાછળ
September 20, 2024 01:58 PMપાકિસ્તાનમાં રક્ષક બન્યો ભક્ષક : પોલીસે ડોક્ટરને ઉતાર્યો મોતને ઘાટ
September 20, 2024 01:48 PMસુપ્રીમની હાઇકોર્ટના જજને ફટકાર, બેંગ્લોરના મુસ્લિમ વિસ્તારને મિની પાકિસ્તાન ગણાવતા માંગ્યો જવાબ
September 20, 2024 01:42 PMચેટજીપીટીએ માણસની જેમ સામેથી પ્રશ્ન પૂછતા યુઝર થયો આશ્ચર્યચકિત
September 20, 2024 01:17 PMમહિલા મૂવી જોતી રહી અને ડોકટરોએ કરી મગજની સર્જરી
September 20, 2024 12:50 PMCopyright © 2023-2024 Aajkaal Daily
Developed by Rhythm Infotech