વડા પ્રધાન નરેન્દ્ર મોદીએ સોમવારે નવી દિલ્હીમાં સંસદ સંકુલની લાઇબ્રેરી ખાતે હિન્દી ફિલ્મ ધ સાબરમતી રિપોર્ટ નિહાળી હતી. અભિનેતા વિક્રાંત મેસી, રિદ્ધિ ડોગરા અને રાશિ ખન્ના અભિનીત, આ ફિલ્મ 27 ફેબ્રુઆરી 2002ના રોજ બનેલી ગોધરા ટ્રેન સળગતી ઘટના પર આધારિત છે. સાબરમતી રિપોર્ટ સિનેમાઘરોમાં રજૂ કરવામાં આવ્યો છે. દર્શકોને આ ફિલ્મ ખૂબ જ પસંદ આવી રહી છે.

વડા પ્રધાન નરેન્દ્ર મોદીએ સોમવારે સાંજે 4 વાગ્યે નવી દિલ્હીમાં સંસદ સંકુલની લાઇબ્રેરીમાં હિન્દી ફિલ્મ 'ધ સાબરમતી રિપોર્ટ' જોઈ હતી. PM મોદીએ કહ્યું કે તેઓ NDAના સાથી સાંસદો સાથે 'ધ સાબરમતી રિપોર્ટ'ના સ્ક્રીનિંગમાં હાજર રહ્યા હતા. હું ફિલ્મના નિર્માતાઓના પ્રયાસોની પ્રશંસા કરું છું.

અભિનેતા વિક્રાંત મેસી, રિદ્ધિ ડોગરા અને રાશિ ખન્ના અભિનીત, આ ફિલ્મ 27 ફેબ્રુઆરી, 2002 ના રોજ બનેલી ગોધરા ટ્રેન સળગતી ઘટના પર આધારિત છે.

આ ઘટનામાં 59 લોકોના મોત થયા હતા. જે બાદ ગુજરાતમાં કોમી રમખાણો ફાટી નીકળ્યા હતા. જેમાં 1000 થી વધુ લોકોએ જીવ ગુમાવ્યા હતા. જેમાંથી મોટાભાગના મુસ્લિમ હતા. તે સમયે પીએમ મોદી ગુજરાત રાજ્યના મુખ્યમંત્રી હતા.