વડાપ્રધાન નરેન્દ્ર મોદીની આર્થિક પરિષદના સલાહકાર વિવેક દેબરોયનું નિધન થયું છે. 69 વર્ષના દેબરોયનું આજે સવારે નિધન થયું હતું. અર્થશાસ્ત્રી હોવા ઉપરાંત તેઓ પ્રખ્યાત લેખક પણ હતા. દેબરોય ભારતીય અર્થવ્યવસ્થામાં તેમના યોગદાન માટે જાણીતા છે. તેમણે ભારતીય આર્થિક નીતિઓ ઘડવામાં પ્રાથમિક ભૂમિકા ભજવી હતી. પીએમ મોદીએ દેબરોયના નિધન પર શોક વ્યક્ત કર્યો છે. તેમણે X પર લખેલી પોસ્ટમાં પોતાનું દુઃખ વ્યક્ત કર્યું. પીએમ મોદીએ લખ્યું કે ડૉ.વિવેક દેબરોય એક મહાન વિદ્વાન હતા. જેઓ અર્થશાસ્ત્ર, ઇતિહાસ, સંસ્કૃતિ, રાજકારણ, આધ્યાત્મિકતામાં સારી રીતે વાકેફ હતા. તેમના કાર્યો દ્વારા તેમણે ભારતના બૌદ્ધિક લેન્ડસ્કેપ પર અમીટ છાપ છોડી. જાહેર નીતિમાં તેમના યોગદાન ઉપરાંત, તેમણે આપણા પ્રાચીન ગ્રંથો પર કામ કર્યું છે.