દ્વારકાધીશના જગતમંદિરમાં ઠાકોરજીને ઉનાળાની ગરમીથી આરક્ષણ માટે પુષ્પશૃંગાર કરાય છે. ત્યારે ગઈકાલે વૈશાખ પૂર્ણિમાના અવસરે ગ્રીષ્મકાલીન ઋતુમાં ભગવાન યમુનાજીના ઘાટ ઉપર તેમના બાળસખા સાથે બાળલીલા કરવા જતા અને ઘાટ ઉપર બેસીને ઠાકોરજી તેમના બાલસખા સાથે ઠંડક પ્રદાન કરતા ભોગને આરોગતા તેવા ભાવ વ્યકત કરતા દર્શન સાથે શ્રીજીને વિતિધ પુષ્પકલીથી દિવ્ય પુષ્પશુંગાર મનોરથ યોજવામાં આવેલ. જગતમંદિરના વારાદાર પ્રણવ પુજારી, હાર્દિક પુજારી તથા સેવકો દ્વારા કાળિયા ઠાકોરને પુષ્પોથી પરિતૃપ્ત કરતા દર્શનની ઝાંખી નિહાળી ભાવિકો ભારે ભાવવિભોર થયા હતા.