સમય સાથે સમાજ અને તેની વિચારસરણી બંને બદલાય છે પરંતુ મહિલાઓના કિસ્સામાં આ વાત લાગુ પડતી નથી એવું કહી શકાય. જ્યારે પણ મહિલાઓને પુરૂષો સમાન અધિકાર આપવાની વાત આવે છે ત્યારે સમાજ સદીઓ પાછળ ચાલતો નજરે પડે છે. કારણ કે વિશ્વ બેંકનો રિપોર્ટ પણ એવું જ માને છે.

રિપોર્ટ શું કહે છે

વર્લ્ડ બેંક દ્વારા વર્ષ 2023માં પ્રકાશિત કરાયેલા એક રિપોર્ટ અનુસાર, વિશ્વના માત્ર 14 દેશોમાં મહિલાઓને વ્યવસાય અને કાયદામાં સમાન અધિકાર છે. આ દેશો બેલ્જિયમ, કેનેડા, ડેનમાર્ક, ફ્રાન્સ, ગ્રીસ, આઇસલેન્ડ, આયર્લેન્ડ, લાતવિયા, લક્ઝમબર્ગ, પોર્ટુગલ, સ્પેન, સ્વીડન, જર્મની અને નેધરલેન્ડ છે. આ 14 દેશો છે જે ઓછામાં ઓછા કાયદાકીય અને વ્યવસાયિક દૃષ્ટિકોણથી પુરૂષ અને મહિલાઓને સંપૂર્ણ સમાન અધિકાર આપે છે.

જર્મની અને નેધરલેન્ડ અભિનંદનને પાત્ર

2023માં પ્રથમ વખત 100 પોઈન્ટ મેળવનારાઓની યાદીમાં જર્મની અને નેધરલેન્ડનો સમાવેશ કરવામાં આવ્યો હતો. એટલે કે આ બંને દેશોએ ઘણી બાબતોમાં મહિલાઓ અને પુરુષોના અધિકારોને સમાન બનાવ્યા. ઉદાહરણ તરીકે, પેરેંટલ રજાનો અધિકાર સમાન બનાવવામાં આવ્યો હતો. આ સિવાય પણ ઘણા એવા અધિકારો હતા જેમાં સ્ત્રી અને પુરુષને સમાન રાખવામાં આવ્યા હતા.

આ દેશોમાં મહિલાઓની હાલત સૌથી ખરાબ

વેસ્ટ બેંક અને ગાઝા આ યાદીમાં સૌથી નીચે છે. અહીં મહિલાઓને લગભગ કોઈ વ્યાવસાયિક અને કાયદાકીય અધિકારો નથી. પછી યમન, સુદાન અને કતાર છે. આ દેશોમાં પણ મહિલાઓને બહુ ઓછા વ્યાવસાયિક અને કાનૂની અધિકારો છે. 2019ની યાદીમાં સાઉદી અરેબિયા સૌથી નીચે હતું. પરંતુ ત્યાં તાજેતરમાં લાગુ થયેલા નવા કાયદા બાદ, સાઉદી અરેબિયાનો સ્કોર સુધર્યો છે અને 71.3 ટકા સાથે 136માં સ્થાને છે.