વહેલી સવારે નણંદને મુકવા માટે ગયેલી મહિલા તેના ઘરે પરત જઈ રહી હતી ત્યારે લખુભા હોલ નજીકથી કારમાં સવાર શખ્સોએ મહિલાનો પીછો કર્યો હતો અને તેના ઘર સુધી ગયા હતા.જ કે મહિલાના ઘર નજીક પડેલી કપચીમાં કારનું ટાયર ફસાઈ જતા શખ્સો નાસી છૂટ્યા વ્હેલી સવારે બનેલી ઘટના અંગે મહિલા દ્વારા નીલમબાગ પોલીસ મથકમાં ફરિયાદ નોંધાવાતા પોલીસે તપાસ તપાસ હાથ ધરી એક શખ્સને ઉપાડી લીધો હતો.
પોલીસ સૂત્રોથી પ્રાપ્ત વિગતો મુજબ કાળીયાબીડ વિસ્તારમાં રહેતી પરણીત મહિલા વહેલી સવારે તેના કૌટુંબીક નણંદને ઘોઘા જકાતનાએ મૂકી પરત ઘરે જતા હતા તે સમયે લખુભા હોલ નજીક કારમાં બેઠેલા શખ્સોએ મહિલાના સ્કૂટરની ગતિ સાથે કારની ગતિ રાખી  પીછો કર્યો હતો. મહિલાએ શક જતા  તેનું વ્હીકલ ધીમુ કરતા  ચાલકોએ પણ તેના કારની ગતિ ઘટાડી હતી.  જો કે ગભરાયેલી મહિલાએ  પોતાનું સ્કૂટર તેજ ગતિએ ચલાવી ઘરે પહોંચી ગઈ હતી. જયારે કારમાં સવાર શખ્સો  છેક મહિલાના ઘર સુધી પહોંચ્યા હતા. પરંતુ મહિલાના ઘર નજીક પડેલા કપચીના ઢગલામાં  કારનું ટાયર ફસાઈ જતા  શખ્સો નાસી છૂટ્યા હતા. આ અંગે મહિલા દ્વારા નિલમબાગ પોલીસ મથકમાં ભાવેશ પટેલ(સુરત), લાલજી સુતરીયા શખ્સો સામે ફરિયાદ નોંધાવતા નિલમબાગ પોલીસના પીઆઈ રોહીત ચૌધરીએ સીસીટીવીના કૂટેજ વગેરે ચકાસી તપાસનો ધમધમાટ શ‚ કર્યો હતો અને ગણતરીના સમયમાં જ લાલજી સુતરાયાને ઉપાડી લીધો હતો, જ્યારે ભાવેશ પટેલને પણ ઝડપી લેવા તજવીજ હાથ ધરી હતી.