સિહોર સહિત જિલ્લાની પ્રજા વર્ષોથી રખડતાં ઢોર વચ્ચે અસલામત છે. લોકો  ઘરની બહાર નીકળે ત્યારે ટ્રાફિક કરતા કઇ શેરીમાંથી ઢોર આડે ઉતરી આવે એ કંઇ નક્કી નથી હોતું. અત્યાર સુધીમાં અનેક લોકો ઢોર અડફેટનો ભોગ બન્યા છે. અને ત્યાં સુધી કે માનવ જિંદગી હણાય જાય એ હદે વકરતી જતી ઢોરની સમસ્યા સામે જવાબદાર કોણ? તે સવાલનો જવાબ આજ સુધી ન તો તંત્ર આપી શક્યું છે, કે ન તો લોકોને મળ્યો નથી. ત્યારે સિહોરના સણોસરા નજીક રસ્તે રખડતા એક ખુંટીયાથી  માનવ જિંદગી હોમાઈ છે. રસ્તામાં બાઈક ચાલકને આડે ખૂટિયો ઉતરતાં અકસ્માત થયો હતો. જેમાં ગંભીર ઈજા પામનાર બાઈક ચાલક નું મોત નીપજ્યું હતું. 
સિહોર શહેર અને પંથકમાં રસ્તે રખડતા ઢોરનો ત્રાસ યથાવત રહ્યો. છે. પરિણામે સમયાંતરે રખડતા ઢોરને કારણે વાહન અકસ્માતો થઈ રહ્યા છે અને તેમાં મૃત્યુ પામવાના બનાવો પણ વધી રહ્યા છે. આવા જ એક વધુ બનાવમાં બાઈક ચાલક યુવાનનું મૃત્યુ થયું હતું. સિહોર તાલુકા ગજાભાઈની વાવડીના રહેવાસી સંજયભાઈ  મકવાણા (ઉ.વ. ૨૨)પોતાનું  બાઈક લઈને સણોસરા નજીથી  પસાર થતા હતા. તે વેળાએ  અચાનક રસ્તામાં ખુટીયો  આડો  ઉતરતાં તેમને અકસ્માત નડયો હતો. આ બનાવમાં તેઓને ગંભીર ઈજા થવાથી સારવાર માટે સિહોર સરકારી હોસ્પિટલમાં લઈ જવાયા હતા. જ્યાં તેમનું મૃત્યુ નિપજયું હતું. બનાવ ની જાણ થતા  પોલીસ કાફલો દોડી ગયો અને યુવાનના મૃતદેહને પોસ્ટ મોર્ટમ અર્થે ખસેડી અકસ્માતે મોતનો ગુનો નોંધી આગળની વધુ તપાસ હાથ ધરી હતી.