તિરૂપતિ લાડુ વિવાદ વધુ ભડક્યો છે અને તિરુમાલા તિપતિ દેવસ્થાનમ દ્વારા પ્રદાન કરવામાં આવેલા ઘીના નમૂનાઓમાં પ્રાણીની ચરબીના ઉપયોગની પુષ્ટિ થઈ છે, જે તિરુપતિ મંદિરનું સંચાલન કરે છે ત્યાર બાદ હવે સંધ ભારે નારાજ છે, સંઘના સુત્રોએ જણાવ્યું છે કે રામ મંદિર અભિષેકના દિવસે તિરુપતિથી એક લાખ લાડુ અયોધ્યા આવ્યા હતા આરએસએસના મુખપત્ર પંચજન્યએ તિરુપતિ મંદિરમાં લાડુના મુદ્દે મોટી વાત કહી છે. મુખપત્રમાં પ્રકાશિત અહેવાલમાં દાવો કરવામાં આવ્યો છે કે તિરુપતિ તિરુમાલા મંદિરમાંથી 1 લાખ લાડુ પણ અયોધ્યા મોકલવામાં આવ્યા હતા અને આ લાડુ અયોધ્યામાં ભક્તોમાં વહેંચવામાં આવ્યા હતા. તિરુપતિ મંદિરના પ્રસાદમાં બીફ, ડુક્કરની ચરબી અને માછલીનું તેલ ભેળવવામાં આવ્યું હોવાનું પણ તપાસમાં બહાર આવ્યું છે. આ બધું આંધ્ર પ્રદેશની તત્કાલીન જગનમોહન રેડ્ડી સરકારના કાર્યકાળ દરમિયાન થયું હતું.

મંદિરનું સંચાલન આંધ્ર પ્રદેશ સરકાર હસ્તક
જો કે, પ્રસિદ્ધ વેંકટેશ્વર સ્વામી મંદિરનું સંચાલન કરતી આંધ્ર પ્રદેશ સરકાર અથવા તિરુમાલા તિરુપતિ દેવસ્થાનમ્સ તરફથી પ્રયોગશાળાના અહેવાલ પર કોઈ સત્તાવાર પુષ્ટિ મળી નથી. વાયએસઆરસીપીના વરિષ્ઠ નેતા અને રાજ્યસભાના સભ્ય વાય.વી. સુબ્બા રેડ્ડીએ કહ્યું કે નાયડુના આરોપોએ દેવતાના પવિત્ર સ્વભાવને નુકસાન પહોંચાડ્યું છે અને ભક્તોની ભાવનાઓને ઠેસ પહોંચાડી છે.

આંધ્રપ્રદેશ સરકાર એક્શન મોડમાં
લેબ રિપોર્ટ સામે આવ્યા બાદ આંધ્રપ્રદેશના મુખ્યમંત્રી નાયડુએ પણ પ્રતિક્રિયા આપી હતી. તેમણે કહ્યું કે આ ગેરરીતિમાં સામેલ કોઈપણ વ્યક્તિને બક્ષવામાં આવશે નહીં અને તેમની સામે કડક કાર્યવાહી કરવામાં આવશે. સીએમ એ કહ્યું કે મને જે લેબ રિપોર્ટ મળ્યો છે તેના પરથી સ્પષ્ટ થાય છે કે પ્રસાદની ગુણવત્તા સાથે ચેડા કરવામાં આવ્યા છે અને તેમાં અશુદ્ધ વસ્તુઓની ભેળસેળ સામે આવી છે. આ બધા માટે જવાબદાર કેટલાક લોકો સામે કાર્યવાહી પણ શરૂ કરવામાં આવી છે. કેટલાક લોકોને કામ પરથી પણ દૂર કરવામાં આવ્યા છે.

લાડુમાં મટન ટેલો, ડુક્કરની ચરબી
ટીડીપી પ્રવક્તા અનમ વેંકટા રમન રેડ્ડીએ દાવો કર્યો હતો કે પ્રખ્યાત વેંકટેશ્વર સ્વામી મંદિરનું સંચાલન કરતા તિરુમાલા તિરુપતિ દેવસ્થાનમ દ્વારા પ્રદાન કરવામાં આવેલા ઘીના નમૂનાઓ ગુજરાત સ્થિત પશુધન પ્રયોગશાળા દ્વારા ભેળસેળયુક્ત હોવાની પુષ્ટિ કરવામાં આવી છે. તેણે કથિત લેબ રિપોર્ટ બતાવ્યો, જેમાં આપેલ ઘીના નમૂનામાં પ્રાણીજ ચરબી (ડુક્કરની ચરબી સંબંધિત) અને માછલીના તેલની હાજરીનો પણ દાવો કર્યો હતો. સેમ્પલિંગની તારીખ 9 જુલાઈ, 2024 હતી અને લેબ રિપોર્ટની તારીખ 16 જુલાઈ હતી.