એકને ઈજા થતાં સારવારમાં ખસેડાયો: આઇસર ચાલકની તલાશ

જામનગર - ખંભાળિયા માર્ગે એરપોર્ટ નજીક આજે વહેલી સવારે પસાર થતી એક રિક્ષાને આઇશર ટ્રકચાલકે ઠોકર મારતા અકસ્માત થયો હતો. જેમાં એકનું મૃત્યુ થયું હતું અને તેમની સાથેના આધેડને ઈજા પહોંચી હતી. આથી તેમને સારવાર માટે હોસ્પિટલમા લઈ જવાયા છે.

જામનગરના નીલકમલ સોસાયટીમાં રહેતા હૈદરભાઈ મીનસરીયા અને પ્રવીણભાઈ ભવાનભાઈ રાઠોડ બન્ને રીક્ષા લઇને જામનગર બાયપાસ નજીક એરપોર્ટ માર્ગેથી પસાર થતા હતા ત્યારે એક આઈસર ટ્રકચાલકે ઠોકર મારતા અકસ્માત થયો હતો. જેમાં પ્રવીણભાઈ રાઠોડને માથામાં  ગંભીર ઇજા થતા તેમનું સ્થળ પર જ મૃત્યુ થયું હતું. જયારે તેમની સાથેના હૈદરભાઈને ઈજા થતા સારવાર માટે હોસ્પિટલમાં લઈ જવાયા હતા.

આ બનાવ અંગે હૈદરભાઈ પંજુભાઈ મિનસારિયાએ પોલીસમાં ફરિયાદ નોંધાવતા પોલીસે અજાણ્યા આઇશર ટ્રક ચાલક સામે ગુનો નોંધી તપાસ શરૂ કરી છે.