સગાડીયા કેનાલ સામે કટીંગ વખતે પોલીસ પ્રગટી : દારુ, બિયર અને ઇકો મળી ૭.૨૮ લાખનો મુદામાલ કબ્જે : કારચાલકની શોધખોળ : મોરકંડા-મોરાણા પાટીયે દારુ સાથે ૩ ઝબ્બે
ધ્રોલ તાલુકાના સગાડીયા ગામની સીમમાં દારુના કટીંગ વખતે પોલીસ પ્રગટ થતા ધંધાર્થીઓ ઇકો ગાડી મુકીને ભાગી ગયા હતા, પોલીસ તપાસમાં વિદેશી દારુ-બિયર મળી ૧૩૯૨ બોટલ મળી આવતા કુલ ૭.૨૮ લાખનો મુદામાલ કબ્જે લેવાયો હતો. આ ઉપરાંત મોરકંડા પાટીયા અને મોરાણા પાટીયા પાસે વિદેશી દારુ સાથે ૩ શખ્સને પકડી લેવામાં આવ્યા છે.
જીલ્લા પોલીસવડા પ્રેમસુખ ડેલુએ દારુ જુગારની બદીને નાબુદ કરવા અસરકાર કાર્યવાહી કરવા સુચના કરી હતી આથી ગ્રામ્ય ડીવાયએસપી ડી.પી. વાઘેલા, સીપીઆઇ ગજજરના માર્ગદર્શન હેઠળ ધ્રોલના પો.સબ.ઇન્સ. પી. જી.પનારા અને પોલીસ સ્ટાફ પેટ્રોલિંગમા હતો,
દરમ્યાન સ્ટાફના ધર્મેન્દ્રભાઇ વઘોરા, વનરાજભાઇ ગઢાદરાને સંયુકત બાતમી મળેલ કે, કેટલાક લોકો સગાડીયા ગામની કેનાલ સામેની સીમમાં કાર મારફતે ઈંગ્લીશ દારૂ લઇ આવી તેનું કટિંગ કરી રહયા છે.
આથી ધ્રોલ થી ૧૫ કિલોમીટર દૂર આવેલ સગાડિયા ગામની સીમમાં કેનાલ સામેનાં કાચા રસ્તા પર સરકારી જગ્યામાં પોલીસ કાફલો પહોંચ્યો હતો.પરંતુ આરોપીઓને પોલીસ આવતી હોવાની ગંધ આવી જતાં નાસી ગયા હતા.
દરમિયાન પોલીસને એક ઇકો મોટરકાર ત્યાંથી મળી આવતાં તેની તલાસી લીધી હતી. જયાં વિદેશી દારુ ભરેલ પેટીનો જથ્થો મળી આવ્યો હતો.આથી પોલીસે ઇંગ્લીશ દારુની ૧૧૦૪ બોટલ તથા બિયરના ૨૮૮ નંગ મળી કુલ ૧૩૯૨ બોટલો જેની કિ. ૪.૭૮.૮૦૦ તથા અઢી લાખની કિંમતની ઇકો ગાડી મળી કુલ ૭.૨૮.૮૦૦નો મુદામાલ કબ્જે કર્યો હતો.
જો કે આ દરોડા સમયે કોઈ આરોપીઓ ત્યાં હાજર મળી આવ્યા ન હતા, આથી વાહન ના રજીસ્ટ્રેશન નંબર ના આધારે કારનાચાલક તેમજ દારૂ નો જથ્થો લઈ આવનાર વગેરેને શોધવા માટેના પ્રયાસો શરૂ કરાયા છે. પોલીસ દ્વારા ઇકો ગાડી નં. જીજે૩એલઇ-૩૦૩૨ના ચાલક તથા તપાસમાં જે નામ ખુલે તેની સામે પ્રોહી મુજબ ફરીયાદ દાખલ કરી છે.
બીજા દરોડામાં મોટા થાવરીયા ગામમાં રહેતા વિશાલ મુકેશ મકવાણા અને હિતેન પ્રવિણ મકવાણા આ બંનેને મોરકંડાના પાટીયા પાસે દારુના ૫ ચપટા તથા બાઇક નં. જીજે૧૦ડીએલ-૦૫૦૩ અને બે મોબાઇલ મળી કુલ ૫૦૬૨૫ના મુદામાલ સાથે દબોચી લીધા હતા. વિકી પરમારે દારુનો જથ્થો પુરો પાડયો હતો.
આ ઉપરાંત જોડીયા કાંચના મંદિર પાસે રહેતા વાલા મચ્છા ધ્રાંગીયાને મોરાણા પાટીયા બ્રિજ પાસે વિદેશી દારુની એક બોટલ સાથે જોડીયા પોલીસે પકડી લીધો હતો.
લાઈક અને ફોલો કરો અમારું ફેસબુક પેજ FACEBOOK - AAJKAALDAILY
ફોલો કરો અમારું ઇન્સ્ટાગ્રામ INSTAGRAM - AAJKAALDAILY
સબસ્ક્રાઈબ કરો અમારી યૂ ટ્યૂબ ચેનલ YOUTUBE - AAJKAALDAILY
મહત્વના સમાચારો આપના મોબાઇલમા મેળવવા માટે જોડાઓ અમારા વોટ્સએપ ગ્રૂપમાં 99251 12230
View News On Applicationજેતપુર પાસે છકડો રીક્ષામાં દેશી દારૂ ના જથ્થા સાથે એક પકડાયો
September 20, 2024 12:14 PMગોંડલમાં બંધ મકાનને નિશાન બનાવી ઘરેણા-રોકડ સહિત 46 હજારની ચોરી
September 20, 2024 12:13 PMગોંડલમાં પતિ સહિત સાસરિયાઓના ત્રાસથી પરિણીતાનો ઝેર પી આપઘાત
September 20, 2024 12:12 PMજામનગર ફેકટરી ઓનર્સ એસોસીએશન દવારા ઈન્સ્ટ્રીયલ ઈન્ટરનેશલ એકસ્પો-2024 નો રોડ-શો યોજાયો
September 20, 2024 12:04 PMનંદાણા નજીક ટ્રકની અડફેટે બાઈક સવાર બે બંધુઓ ઇજાગ્રસ્ત
September 20, 2024 11:56 AMCopyright © 2023-2024 Aajkaal Daily
Developed by Rhythm Infotech