વેલેન્ટાઇન વીક શરૂ થઈ ગયો છે. પ્રેમના આ અઠવાડિયાના પહેલા દિવસે એટલે કે 7 ફેબ્રુઆરીએ રોઝ ડે ઉજવવામાં આવે છે. લોકોને ગુલાબના ફૂલ ખૂબ ગમે છે. મોટાભાગના લોકોના ઘરમાં ગુલાબનો છોડ જોવા મળશે. કેટલાક લોકો ગુલદસ્તામાં ગુલાબના ફૂલો આપવાનું પણ પસંદ કરે છે પણ શું જાણો છો કે દુનિયાનું સૌથી મોંઘુ ગુલાબ કયું છે?

ગુલાબ તેની સુંદરતા અને સુગંધ માટે જાણીતું છે. કપલ એકબીજાને પ્રભાવિત કરવા માટે ગુલાબ આપે છે. ગુલાબ અને પ્રેમ વચ્ચે ઊંડો સંબંધ છે.

જેમાં જુલિયટ રોઝ દુનિયાનું સૌથી મોંઘુ ગુલાબ છે. આ ગુલાબ જે અત્યંત દુર્લભ માનવામાં આવે છે તે ખૂબ જ મુશ્કેલીથી ઉગે છે. ગુલાબનું સંવર્ધન કરનારા પ્રખ્યાત ફ્લોરિસ્ટ ડેવિડ ઓસ્ટિનએ અનેક ગુલાબનું મિશ્રણ કરીને જુલિયટ રોઝ બનાવ્યું હતું. પોલન નેશનના રિપોર્ટ મુજબ, apricot-hued hybrid નામની આ દુર્લભ પ્રજાતિને બનાવવામાં 15 વર્ષ લાગ્યા અને 2006માં તેમણે તેને 10 મિલિયન પાઉન્ડ એટલે કે 90 કરોડ રૂપિયામાં વેચી દીધું.

આ ગુલાબ એટલું મોંઘુ છે કે અમીર લોકોએ પણ તેને ખરીદતા પહેલા 20 વાર વિચારવું પડશે. હાલમાં, તેની કિંમત15.8 યુએસ ડોલર છે. ભારતીય ચલણમાં તે 1,38,33,68,063 રૂપિયા છે. આ ગુલાબની સુગંધ વિશે વાત કરીએ તો તેમાં હળવી ચાની સુગંધ છે. આ ફૂલની ખાસ વાત એ છે કે તે 3 વર્ષ સુધી ઝાંખું પડતું નથી.

આ ફૂલ પણ મોંઘુ

કુડુપાલ ફ્લાવર નામના ગુલાબની ગણતરી પણ દુનિયાના સૌથી મોંઘા ફૂલોમાં થાય છે. તેને ભૂતિયા ફૂલ તરીકે પણ ઓળખવામાં આવે છે. ખાસ વાત એ છે કે કુડુપાલનું ફૂલ ફક્ત રાત્રે જ ખીલે છે. તે ફક્ત શ્રીલંકામાં જ જોવા મળે છે.