કલ્યાણપુર તાલુકાના લીંબડી ગામે રહેતા હમીરભાઈ કંડોરીયા નામના આહિર વૃદ્ધ મંગળવારે લીંબડી ગામથી આગળ ભાટિયા તરફ જતા રસ્તે મોટરસાયકલ નંબર જી.જે. ૩૭ એફ ૩૧૩૪ લઈને જઈ રહ્યા હતા, ત્યારે આ માર્ગ પરથી પૂરઝડપે અને બેફિકરાઈપૂર્વક આવી રહેલા જી.જે. ૧૪ બીએ ૩૪૪૭ નંબરના ફોર વ્હીલરના ચાલકે હમીરભાઈને અડફેટે લેતા તેમને માથામાં હેમરેજ તેમજ ફ્રેકચર સહિતની નાની-મોટી ઈજાઓ સાથે હોસ્પિટલમાં ખસેડવામાં આવ્યા હતા.
અકસ્માત સર્જી્, આરોપી ફોર વ્હીલર ચાલક નાસી છૂટ્યો હોવાનું જાહેર થયું છે. આ સમગ્ર બનાવ અંગે કલ્યાણપુર પોલીસે નગાભાઈ હમીરભાઈ કંડોરીયા (ઉ.વ. ૩૭, રહે. લીંબડી) ની ફરિયાદ પરથી ફોર વ્હીલર ચાલક સામે જુદી જુદી કલમ મુજબ ગુનો નોંધી, આગળની તપાસ હાથ ધરી છે.