ભારત અને પાકિસ્તાન વચ્ચે તનાવ ભર્યા સંબંધો ઉભા થયા છે અને યુધ્ધની પરિસ્થિતિનું નિર્માણ થયુ છે ત્યારે પોરબંદર દરિયાઇમાર્ગે પાકિસ્તાનથી નજીક હોવાના કારણે સમુદ્રમાં સુરક્ષા વ્યવસ્થા સઘન બનાવવામાં આવી છે અને જિલ્લા પોલીસવડાએ બોટમાં પેટ્રોલીંગ કર્યુ હતુ. જમ્મુ-કાશ્મીરમાં નિર્દોષ પ્રવાસીઓને પાક પ્રેરિત આતંકવાદીઓએ મોતને ઘાટ ઉતાર્યા બાદ ભારતે જવાબી હુમલામાં જબરી કાર્યવાહી કરીને પાકિસ્તાન ઉપર એટેક કરી દીધો છે ત્યારે પોરબંદરમાં પણ દરિયાઇ સુરક્ષાને વધુ મજબૂત બનાવવામાં આવી છે. ભારત-પાકિસ્તાન વચ્ચે ચાલી રહેલા તણાવભર્યા વાતાવરણમાં પોલીસ દ્વારા દરિયાઇ સુરક્ષામાં વધારો કરવામાં આવ્યો છે. પોરબંદરના જિલ્લા પોલીસવડા ભગીરથસિંહ જાડેજા અને ડી.વાય.એસ.પી.  સુરજીત મહેડુ સહિત ઉચ્ચ પોલીસ અધિકારીઓએ પેટ્રોલીંગ બોટમાં પેટ્રોલીંગ કરીને દરિયાઇ સુરક્ષાનું સુપરવિઝન કરી અધિકારીઓને જ‚રી માર્ગદર્શન પૂરુ પાડયુ હતુ.