મહાનગરપાલિકા દ્વારા આજે રાજકોટ રોડ પરના અડચણરૂપ દબાણો હટાવી સર્વિસરોડ ખુલ્લો કરાયો હતો. મહાપાલિકાના દબાણ હટાવ સેલની ટીમ દ્વારા ફ્લાયઓવર નીચે આવતા ગઢેચી વડલાથી લાલ ટાંકી સહિતના બન્ને સાઈડપરથી લારી, ટેબલ, ખુરશી, પતંગનીરીલ માટેનો ચરખો, રેડીમેઈડ કપડાંના સ્ટેન્ડ તેમજ શેરડી સહિતનો માલ-સામાન જપ્ત કરાયો હતો. ઉલ્લેખનીય છે કે રાજકોટ રોડ પર ફ્લાયઓવરના ગઢેચીવડલાથી લાલટાંકી સુધીના રોડ પર મ્યુ. તંત્રના દબાણ હટાવ સેલ દ્વારા કહી શકાય કે અડચણરૂપ દબાણ હટાવાય છે, પરંતુ દબાણર્તાઓ દ્વારા પુનઃ દબાણ ઉભુંરી દેવાતા ટ્રાફિક સમસ્યા ઉભી થાય છે. ત્યારે હવે દબાણ હટાવ સેલની ટીમ પણ દરરોજ આ વિસ્તારમાં ત્રાટકી અડચણરૂપ દબાણો હટાવી રહી છે.આજે રાજકોટ રોડ ઉપરાંત દબાણહટાવ સેલની ટીમે જૂની ખડપીઠ અને ગબગર શેરીના દબાણો હટાવવાની કામગીરી હાથ ધરી હતી.