તેહરાનના પરમાણુ કાર્યક્રમ અંગે ઈરાન અને અમેરિકા કોઈ ચોક્કસ નિષ્કર્ષ પર પહોચી શક્યા નથી, ઈરાને ટ્રમ્પની સૂચવાયેલી તમામ શરતો ફગાવી દીધી છે, કોઈ પણ ભોગે ઈરાન ઝૂકવા તૈયાર નથી, આથી બન્ને દેશો વચ્ચેના અહમના લીધે યુદ્ધ ફાટી નીકળે તેવી સંભાવનાએ જોર પકડ્યું છે.એક ઇઝરાયલી અધિકારીએ દાવો કર્યો છે કે અમેરિકાએ ઇઝરાયલને જાણ કરી છે કે વાટાઘાટોનો કોઈ ફાયદો નથી.ઈરાને વાટાઘાટોમાં ઘણી મહત્વપૂર્ણ શરતો મૂકી છે. ઈરાન કહે છે કે જો યુએસ પ્રતિબંધો હટાવવામાં આવે તો જ તે તેના પરમાણુ કાર્યક્રમને મર્યાદિત કરશે.તો બીજી તરફ ટ્રમ્પ શરતોમાં છૂટછાટ આપવાના મૂડમાં નથી.

જીનીવામાં પરોક્ષ વાટાઘાટો પછી બોલતા, અમેરિકાએ જણાવ્યું હતું કે પ્રગતિ થઈ છે. દરમિયાન, ઈરાની વિદેશ પ્રધાન અબ્બાસ અરાઘચીએ કહ્યું કે કામ કરવાની જરૂર છે. અમેરિકાએ મધ્ય પૂર્વમાં તેની લશ્કરી હાજરીમાં વધુ વધારો કર્યો છે.મધ્યસ્થી ઓમાનના વિદેશ પ્રધાન બદ્ર અલ્બુસૈદીએ કહ્યું કે વાટાઘાટો સામાન્ય લક્ષ્યો અને મુખ્ય તકનીકી મુદ્દાઓને ઓળખવામાં સારી પ્રગતિ સાથે પૂર્ણ થઈ. જો કે, એક ઇઝરાયલી અધિકારી દ્વારા તાજેતરના દાવાઓએ વાટાઘાટો નિષ્ફળ જવાની શક્યતા વધારી છે.

અધિકારીએ દાવો કર્યો હતો કે અમેરિકાએ ઇઝરાયલને જાણ કરી છે કે ઈરાન સાથે વાટાઘાટો અર્થહીન છે અને યુદ્ધ એકમાત્ર વિકલ્પ છે. અધિકારીએ કહ્યું, જીનીવામાં ઈરાન અને અમેરિકા વચ્ચે ઈરાનની શરતો ધરાવતા દસ્તાવેજનું જ વિનિમય થયું.અધિકારીએ એમ પણ કહ્યું કે ઈરાન અમેરિકાની કોઈપણ વાત સાંભળવા તૈયાર નથી. તેમણે ઉમેર્યું કે ઈરાને રાષ્ટ્રપતિ ટ્રમ્પની કોઈપણ શરતો સ્વીકારવાનો ઇનકાર કર્યો છે.

ગયા મહિને ઈરાનમાં થયેલા વિરોધ પ્રદર્શન દરમિયાન યુએસ પ્રમુખ ડોનાલ્ડ ટ્રમ્પે વારંવાર ઈરાન પર હુમલો કરવાની ધમકી આપી છે. અમેરિકાએ વારંવાર ઈરાનને તેના પરમાણુ કાર્યક્રમને છોડી દેવાની ચેતવણી આપી છે, અને ગંભીર પરિણામોની ચેતવણી આપી છે.ઈરાને વાટાઘાટોમાં ઘણી મહત્વપૂર્ણ શરતો મૂકી છે. ઈરાન કહે છે કે જો યુએસ પ્રતિબંધો હટાવવામાં આવે તો જ તે તેના પરમાણુ કાર્યક્રમને મર્યાદિત કરશે.