વૈશ્વિક અનિશ્ચિતતાના સમયમાં, રોકાણકારો સામાન્ય રીતે સોના અને ચાંદી તરફ વળે છે, પરંતુ આ વખતે બજારનું રુખ થોડું અલગ હોય તેવું લાગે છે. જ્યારે સોના અને ચાંદીએ અપેક્ષા મુજબ સારો દેખાવ કર્યો નથી, ત્યારે તાંબા અને એલ્યુમિનિયમ જેવી બેઝ મેટલ્ટો અચાનક બજારનું ધ્યાન ખેંચ્યું છે. આ ધાતુઓમાં ઉછાળાએ રોકાણકારોને એક નવી તક પૂરી પાડી છે અને વેપારીઓના રસમાં પણ વધારો કર્યો છે.કેડિયા એડવાઈઝરીના એમડી અજય કેડિયાએ જણાવ્યું હતું કે, છેલ્લા મહિનામાં, તાંબાના ભાવમાં લગભગ
૯%નો વધારો થયો છે, જ્યારે એલ્યુમિનિયમમાં પણ લગભગ ૭.૫%નો વધારો થયો છે. આ ઉછાળો દર્શાવે છે કે બજારનું ધ્યાન ધીમે ધીમે સલામત સેકાણોથી ઔદ્યોગિક ધાતુઓ તરફ ખરોડાઈ રહ્યું છે. કેડિયા માને છે કે ભૌગોલિક રાજકીય તણાવને કારણે માંગમાં વધઘટ થઈ શકે છે, પરંતુ પુરવઠાની ચિંતાઓ હાલમાં બજારને મજબૂત બનાવી રહી છે. પરિણામે, વલણ તેજીમય રહી શકે છે. રોકાણકારો અને વેપારીઓને સલાહ આપવામાં આવે છે કે તેઓ ઉતાવળમાં નિર્ણવો ન લે અને આ તેજીવાળા બજારમાં નફો વધારવા માટે ટેકો અને પ્રતિકાર સ્તરને ધ્યાનમાં રાખીને તેમની વ્યૂહરચનાઓનું આયોજન કરે.
એલ્યુમિનિયમ અને તાંબાના ભાવ વધારાનું મોટું કારણ સલ્ફ્યુરિક એસિડની નિકાસ પર પ્રતિબંધ
આ વધારા પાછળનું સૌથી મોટું કારણ સલ્ફ્યુરિક એસિડની નિકાસ પર પ્રતિબંધ મૂકવાનો ચીનનો નિર્ણય છે. આ રસાયણ તાંબાના ઉત્પાદન માટે મહત્વપૂર્ણ છે. આ નિર્ણયથી વૈશ્વિક પુરવઠા પર અસર પડી છે અને ભાવમાં વધારો થયો છે. વધુમાં, મધ્ય પૂર્વમાં ચાલી રહેલા તણાવથી એલ્યુમિનિયમ પુરવઠા માટે પણ ખતરો ઉભો થયો છે, કારણ કે આ પ્રદેશ વૈશ્વિક ઉત્પાદનમાં આશરે ૯% હિસ્સો ધરાવે છે, અને પરિસ્થિતિ સામાન્ય થવામાં લાંબો સમય લાગી શકે છે. તે જ સમયે, ડોલર ઇન્ડેક્સમાં નબળાઈએ પણ આ ધાતુઓને મજબૂત બનાવી છે, જેના કારણે તે વિદેશી ખરીદારો માટે વધુ આકર્ષક બની છે.
એલ્યુમિનિયમ માટે મજબૂત સપોર્ટ એલ્યુમિનિયમ હાલમાં ૩૬૮ ની આસપાસ ફરે છે, અને પુરવઠા કટોકટીને કારણે તેના ફંડામેન્ટલ્સ મજબૂત દેખાય છે. ૩૬૧ અને ૩૫૪ સ્તરોને સપોર્ટ તરીકે જોવામાં આવે છે, જ્યારે ૩૭૨ થી ઉપરનો બ્રેક તેને ૩૮૫ સુધી ધકેલી શકે છે.તાંબુ ૧૩૪૫ સુધી વધી શકેતાંબુ હાલમાં એમસીએક્સ પર ૧૨૮૦ ની આસપાસ ટ્રેડ કરી રહ્યું છે. ચીનમાંથી કોપર ઓરની આયાતમાં ૬.૬% નો વધારો અને ફેબ્રિકેટર્સ તરફથી વધતી માંગ તેના ભાવને વધુ ટેકો આપી શકે છે. ૧૨૪૦ અને ૧૨૧૦ ને ઘટાડા પર મજબૂત સપોર્ટ લેવલ માનવામાં આવે છે, જયારે ૧૩૧૦ એ ઉપર તરફનો મુખ્ય પ્રતિકાર છે. જો આ લેવલ મજબૂત વોલ્યુમ સાથે તૂટી જાય છે. તો ભાવ ૧૩૪૫ સુધી વધી શકે છે.