બનવાની જાણવા મળતી વિગતો મુજબ, ભીલવાસ શેરી નં.૪ માં રહેતો અને પાનની દુકાનમાં નોકરી કરનાર મૂળ અમરેલીનો વતની યુવાન રહીમ સમા(ઉ.વ ૧૮) રાત્રીના પાનની દુકાનેથી છુટી ટિફિન મંગાવી જમીને આંટો મારવા નિકળ્યો હતો.દરમિયાન પારસી અગીયારી ચોક પાસે મિત્ર મોઇન અને અફઝલ સાથે બેઠા હતાં.બાદમાં તે નજીકમાં આવેલી દુકાનમાં ફાકી લઇને પરત મિત્રો સાથે જતો હતો ત્યારે રસ્તામાં એક શખસને ભેટો થઇ ગયો હતો.છરી સાથે ધસી આવેલા આ શખસે યુવાનને છરી બતાવી તારી પાસે જે કાંઇ રૂપિયા હોય તે મને આપી દે નહીંતર છરી મારી દઇશ કહી છરીનો છુટો ઘા કરતાં તેનો હાથે છતીમાં લાગતા ઇજા થઇ હતી. બાદમાં આરોપીએ છરી બતાવી ધમકી આપતા યુવાને ખિસ્સામાં રહેલા રૂ.૮૦૦ કાઢી આ શખસને આપી દીધા હતાં.આ અંગે યુવાનની ફરિયાદ પરથી પોલીસે કરણ ઉર્ફ કડા નામના શખસ સામે ગુનો નોંધ્યો હતો.

સરજાહેર બનેલા લૂંટના આ બનાવને લઇ પ્ર.નગર પોલીસ મથકના પીઆઇ વી.આર.વસાવાની રાહબરી હેઠળ પીએસઆઇ આઇ.એ.બેલિમ તથા ટીમે તપાસ હાથ ધરી હતી.પોલીસે તાકીદે આરોપી કરણ ઉર્ફે કડા દિલિપભાઇ જીંજીવાડીયા(રહે. ભીલવાસ,રાજકોટ) ને ઝડપી લીધો હતો.પોલીસે જણાવ્યું હતું કે આરોપી રેસકોર્સ પાસે મકાઇની લારી ધરાવે છે,આરોપી સામે ચોરી, મારામારી અને જાહેરનામા ભંગના મળી ચાર જેટલા ગુના નોંધાઇ ચૂકયા છે. પોલીસે આરોપીની આગવી ઢબે સરભરા કરી તેના પર સવાર લુખ્ખાગીરીનું ભૂત ઉતારી નાંખ્યું હતું.