બિહારના મુખ્ય પ્રધાન નીતિશ કુમારે વડા પ્રધાન નરેન્દ્ર મોદીને પત્ર લખીને સીતામઢીમાં સ્થિત દેવી સીતાના જન્મસ્થળ પુનૌરા ધામને માર્ગ અને રેલ જોડાણ પ્રદાન કરવા વિનંતી કરી છે.

અયોધ્યામાં રામલલ્લાના મંદિરના નિર્માણ અને વિકાસ કાર્ય માટે અભિનંદન આપતા નીતિશ કુમારે લખ્યું કે સીતામઢીમાં સ્થિત પુનૌરધામ માતા સીતાના જન્મસ્થળ તરીકે પ્રખ્યાત છે. અયોધ્યાની જેમ ભગવાન રામના જન્મસ્થળ પુનૌરા ધામનું પણ ઘણું ધાર્મિક મહત્વ છે.

તેમણે લખ્યું કે બિહાર સરકારે પુનૌરા ધામના વિકાસ અને બ્યુટિફિકેશન માટે 50 એકર જમીન અધિગ્રહણ કરવાનો નિર્ણય લીધો છે.

રામ-જાનકી માર્ગનું કામ જલ્દી પૂર્ણ કરવા તાકીદ કરી 

તેમણે લખ્યું કે ભારત સરકાર અયોધ્યા અને સીતામઢીને જોડવા માટે રામ-જાનકી માર્ગનું નિર્માણ કરી રહી છે. આ માર્ગના નિર્માણથી રામ ભક્તોને ભગવાન રામ અને માતા સીતાના જન્મસ્થળની મુલાકાત લેવાની સુવિધા મળશે.

મુખ્ય પ્રધાન નીતિશ કુમારે વડા પ્રધાનને વિનંતી કરી કે તેઓ સંબંધિત મંત્રાલયને આ માર્ગને શક્ય તેટલી વહેલી તકે પૂર્ણ કરવા માટે જરૂરી નિર્દેશ આપે.

વંદે ભારત ટ્રેન દોડાવવા કરી વિનંતી 

આ ઉપરાંત નીતીશ કુમારે વડાપ્રધાન મોદીને બંને ધાર્મિક સ્થળો વચ્ચે વંદે ભારત ટ્રેન શરૂ કરવા પણ વિનંતી કરી હતી.