૧૫ વાહનો ડિટેઇન તેમજ દંડાત્મક કાર્યવાહી

જામનગરમાં તા.૧૫ મી ઓગસ્ટ સ્વતંત્રતા પર્વને લઈને સીટી એ. ડિવિઝનના પોલીસ સ્ટાફ દ્વારા રાત્રી ટ્રાફિક ડ્રાઈવ યોજવામાં આવી હતી. જેમાં વાહન ડિટેઇન કરવામાં આવ્યા હતા. તેમજ સંખ્યાબંધ વાહનો પાસેથી દંડાત્મક કાર્યવાહી કરવામાં આવી હતી. 

જામનગર શહેરમાં કાયદો વ્યવસ્થા જળવાઇ રહે અને ગુનાખોરી અટકે તે માટે જીલ્લા પોલીસ અધિક્ષક પ્રેમસુખ ડેલુંના સીધ્ધા માર્ગદર્શન હેઠળ સિટી-એ ડિવિઝન પોલીસ સ્ટેશનના પીઆઇ નિકુંજસિંહ ચાવડા દ્વારા નાઇટ ટ્રાફિક ડ્રાઈવ યોજાઇ હતી. જેમાં શનિવારે મોડી રાત્રીના શહેરના દરબારગઢ નાકા બહાર આવેલ પાંચ હાટડી, પટણીવાડ, મોટાપીર ચોક, ઘાંચીની ખડકી, ખોજા નાકા, હવાઇ ચોક, ખંભાળિયા ગેટ, પવનચક્કી અને એસ.ટી.ડેપો રોડ વિસ્તારોમાં ડ્રાઇવમાં વાહન ચાલકોના લાયસન્સ સહિતના કાગળોનું ચેકીંગ તેમજ ફોર-વ્હીલોમાં બ્લેક કાચ હટાવવા, બાઇકમાં ત્રિપલ સવારી, ચાલુ વાહને મોબાઇલ પર વાત કરવી, ધુમ સ્ટાઇલથી બાઇક ચલાવી, રોમિયોગીરી કરતા વાહન ચાલકો અને ટ્રાફિક નિયમો ભંગ કરનારાઓ સામે દંડનીય કાર્યવાહી હાથ ધરવામાં આવી હતી. જેમાં ૧૫ વાહન ડીટેઇન કરાયા હતાં અને સંખ્યાબંધ લોકો પાસેથી કુલ રૂ.૨૧,૭૦૦ નો હાજર દંડ વસુલ કરવામાં આવ્યો હતો. પોલીસની આ કાર્યવાહીથી નિમયોનો ભંગ કરનારા વાહન ચાલકોમાં ફફડાટ વ્યાપી ગયો છે.