લેસર લાઇટ ચહેરા પર ફેંકાતા નિક જોનાસ સ્ટેજ છોડીને ભાગ્યો
તાજેતરમાં નીક જોનાસ તેના ભાઈઓ કેવિન અને જો જોનાસ સાથે પરફોર્મ કરી રહ્યા હતા ત્યારે નિક જોનાસ અચાનક સ્ટેજ પરથી ભાગતો જોવા મળ્યો હતો. નિક પર લાલ લેસર લાઇટને નિશાન બનાવવામાં આવી રહી હતી, ત્યારબાદ નિક તરત જ તેના ભાઈઓ સાથે ત્યાંથી ભાગી ગયો.
આ વીડિયોમાં નિક જોનાસ પણ સ્ટેજ પરથી ભાગતો અને નજીકમાં ઉભેલા સિક્યોરિટી ગાર્ડ તરફ ઈશારો કરતો જોવા મળી રહ્યો છે. તેને જોઈને ત્યાં હાજર દર્શકો જ નવાઈ પામ્યા એટલું જ નહીં, સોશિયલ મીડિયા પર લોકો પણ અવાચક થઈ ગયા.
સ્ટેજ પરથી ઉતર્યા બાદ નિક જોનાસ ઓડિયન્સમાંથી ભાગતો જોવા મળ્યો હતો.
એક ઇન્સ્ટાગ્રામ યુઝરે આ ક્લિપ શેર કરી છે જેમાં નિક જોનાસ સ્ટેજ પરથી ઉતરીને દર્શકો વચ્ચે દોડતો જોવા મળે છે. સ્ટેજ પરથી નીચે ઉતરતી વખતે તે પોતાના સિક્યોરિટી ગાર્ડને સંકેત આપતો જોવા મળે છે. ક્યારેક તેના માથા પર તો ક્યારેક તેના શરીર પર લાલ લેસર ફોકસ કરતું જોવા મળતું હતું. આ પછી તરત જ, પરિસ્થિતિની તાકીદને સમજીને, નિક ત્યાંથી ભાગી ગયો અને તેની સાથે કેવિન અને જો જોનાસ પણ સ્ટેજ પરથી ભાગી ગયા.
જો કે, એવું કહેવામાં આવી રહ્યું છે કે જોનાસ બ્રધર્સને આ ઘટનાને કારણે થોડો સમય માટે તેમનો શો બંધ કરવો પડ્યો હતો, પરંતુ તેઓએ ટૂંક સમયમાં કોન્સર્ટ ફરીથી શરૂ કરી દીધો. અહેવાલો અનુસાર, લેસર લાઈટ ફેકનાર વ્યક્તિને કોન્સર્ટ સ્થળ પરથી દૂર કરવામાં આવ્યો હતો. આ પોસ્ટ પર પ્રતિક્રિયા આપતા એક ચાહકે કહ્યું, 'આ ડરામણી છે અને સારી વાત એ છે કે નિક એકદમ ઠીક છે. જો કે આ ઘટના અંગે જોનાસ બ્રધર્સ તરફથી હજુ સુધી કોઈ સત્તાવાર નિવેદન આવ્યું નથી. જોનાસ બ્રધર્સે રવિવારે પેરિસમાં છેલ્લું પ્રદર્શન કર્યું હતું. પ્રાગ બાદ તેમનો પ્રવાસ બુધવારે પોલેન્ડના ક્રાકોમાં સમાપ્ત થશે.