મદ્રાસ આઇઆઇટી દ્વારા એશિયાની પ્રથમ વૈશ્વિક હાયપરલૂપ સ્પર્ધા 2025નું સફળતાપૂર્વક આયોજન કરવામાં આવ્યું હતું. જેમાં નવી અને ઝડપી ટ્રાવેલ ટેક્નોલોજીની પ્રગતિ દર્શાવવામાં આવી હતી. તે હાઇપરલૂપ ડેવલપમેન્ટમાં ભારતના પ્રયાણને ચિહ્નિત કરે છે, હાઇપરલૂપ એ ટેક્નોલોજી છે કે જે હાઇ-સ્પીડ મુસાફરી ક્ષેત્રે મહાક્રાંતિ લાવશે.
હાઇપર લૂપ સ્પર્ધાના સમાપન સમારોહમાં કેન્દ્રીય રેલ્વે મંત્રી અશ્વિની વૈષ્ણવ વિડીયો કોલ દ્વારા જોડાયા હતા અને નવીનતાને પ્રોત્સાહન આપવા સરકારની પ્રતિબદ્ધતા પર ભાર મૂક્યો હતો. તેમણે કહ્યું કે આ સ્પર્ધા વડાપ્રધાન નરેન્દ્ર મોદીના ટેક્નોલોજીકલ પ્રગતિને પ્રોત્સાહન આપવા અને ઉદ્યોગ અને શૈક્ષણિક સંસ્થાઓ વચ્ચે મજબૂત ભાગીદારી બનાવવાના વિઝનનો એક ભાગ છે.
હાઇપર લૂપ સ્પર્ધાના અંતે કેટલાક પુરસ્કારો આપવામાં આવ્યા હતા, જેમાં શ્રેષ્ઠ પ્રદર્શન ટીમ ઉપરાંત અન્ય પુરસ્કારોમાં રેલવેની બ્રેકિંગ અને ટ્રેક્શન સીસ્ટમ ડેમોન્સ્ટ્રેશન અને બેસ્ટ સબ-સિસ્ટમ (મિકેનિકલ) માટે આપવામાં આવેલી ટીમોને સમ્માનિત કરવામાં આવી હતી. સ્પર્ધામાં ભાગ લેનારા યુવા ઈનોવેટર્સની રેલ મંત્રીએ પ્રશંસા કરી અને કહ્યું કે તેમના કાર્યથી વિજ્ઞાન અને ઈજનેરીમાં ભારતની ક્ષમતામાં વધારો થયો છે. આનાથી હાયપરલૂપ જેવી નવી ટેક્નોલોજી અપનાવવામાં મદદ મળશે.
• હાઇપરલૂપ ટેસ્ટ ટ્રેક: સ્પર્ધામાં આઇઆઇટી મદ્રાસ ખાતે 422 મીટર લાંબો હાઇપરલૂપ ટેસ્ટ ટ્રેક દર્શાવવામાં આવ્યો હતો. આ અત્યાધુનિક સુવિધા ભારતીય રેલ્વે અને આઇઆઇટી મદ્રાસ વચ્ચેની મજબૂત ભાગીદારીનું પ્રતીક છે, અને હાઇપરલૂપ ટેક્નોલોજીના પરીક્ષણ માટે એક મહત્વપૂર્ણ સ્થાન છે.
રેલ મંત્રીએ ભારતીય રેલ્વે અને આઈઆઈટી મદ્રાસના અન્ય એક આકર્ષક પ્રોજેક્ટ, વર્ટિકલ ટેક-ઓફ અને લેન્ડિંગ વાહનની પણ ચર્ચા કરી હતી. આ પ્રોજેક્ટ શહેરો અને ગામડાઓમાં વધુ સારા અને ટકાઉ પરિવહન માટે માર્ગદર્શક બનશે. આ પ્રોજેક્ટને ભારતીય રેલવે દ્વારા ભંડોળ પૂરું પાડવામાં આવી રહ્યું છે.
આ સ્પર્ધા ભારતની હાઇપરલૂપ ટેક્નોલોજીમાં સંભવિતતા અને દેશના ભાવિ પરિવહન નેટવર્ક માટે પ્રોત્સાહક બની હતી. હાયપરલૂપ સિસ્ટમ શહેરો વચ્ચે મુસાફરીના સમયમાં મોટા પ્રમાણમાં ઘટાડો કરી શકે છે અને પરંપરાગત રેલ અને હવાઈ મુસાફરીનો વિકલ્પ બની શકે છે.
હાઇપરલૂપમાં હાઇ-સ્પીડ, લો-પ્રેશર પોડ્સનો સમાવેશ થાય છે, જે 1,200 કિમી/કલાકની ઝડપે મુસાફરી કરી શકે છે અને મુખ્ય શહેરોને મિનિટોમાં જોડે છે, તેમાં વૈષ્ણવે આઈઆઈટી મદ્રાસની ભૂમિકા પર પણ ભાર મૂક્યો હતો, આઇઆઇટી ગુજરાત ભારતના 5G નેટવર્કની સફળતામાં પણ નિર્ણાયક હતી.
મદ્રાસ આઇઆઇટી હાયપરલૂપ ટેસ્ટ ટ્રેક અને ચાલી રહેલ વર્ટિકલ ટેક ઓફ એન્ડ લેન્ડિંગ પ્રોજેક્ટ સાથે તેની યાત્રા શરૂ કરી રહ્યું છે. ભારતીય રેલ્વે અને આઇઆઇટી મદ્રાસ વચ્ચેનો સહયોગ આ નવીનતાઓને વાસ્તવિકતા બનાવવામાં મહત્વપૂર્ણ ભૂમિકા ભજવશે. આગામી વર્ષોમાં, ભારતની પરિવહન પ્રણાલીમાં ઝડપી ફેરફારો થશે.
લાઈક અને ફોલો કરો અમારું ફેસબુક પેજ FACEBOOK - AAJKAALDAILY
ફોલો કરો અમારું ઇન્સ્ટાગ્રામ INSTAGRAM - AAJKAALDAILY
સબસ્ક્રાઈબ કરો અમારી યૂ ટ્યૂબ ચેનલ YOUTUBE - AAJKAALDAILY
મહત્વના સમાચારો આપના મોબાઇલમા મેળવવા માટે જોડાઓ અમારા વોટ્સએપ ગ્રૂપમાં 99251 12230
View News On Applicationરાજકોટ TRP અગ્નિકાંડ બાદ મનપાના વધુ એક અધિકારી ACBના સકંજામાં, 75 લાખની અપ્રમાણસર મિલકતનો ખુલાસો
April 02, 2025 08:49 PMગુજરાતમાં કાળઝાળ ગરમી: સુરેન્દ્રનગર સૌથી ગરમ શહેર, હવામાન વિભાગની હીટવેવની આગાહી
April 02, 2025 08:40 PMડીસા બ્લાસ્ટ કેસ: સરકાર દ્વારા કમિટીની રચના, 15 દિવસમાં રિપોર્ટ સોંપશે
April 02, 2025 07:48 PMઈદ પર એટલા ગોલગપ્પા ખાધા કે 213 બાંગ્લાદેશી હોસ્પિટલમાં દાખલ થયા, 14ની હાલત ગંભીર
April 02, 2025 07:41 PMCopyright © 2023-2024 Aajkaal Daily
Developed by Rhythm Infotech