ટ્રાફિક કચેરીમાં ભંગાર સામાન વચ્ચે લહેરાતો રાષ્ટ્રધ્વજ તિરંગો એ આપણી દેશભકિતનું પ્રતિક છે. આ તિરંગાને ફરકાવવા માટેના કેટલાક ચોક્કસ નિયમ છે જેનું પાલન એ આપણો નાગરિક ધર્મ છે. પરંતુ રાજકોટમાં રૂડા બિલ્ડિંગ પાસે આવેલી ટ્રાફિક કચેરીમાં દેશભકિતને ઠેસ પહોંચાડતી તસવીર જોવા મળી રહી છે.અહીં કચેરીની ઇમારત પર તિરંગો લહેરવામાં આવ્યો છે.તેની આજુબાજુ ભંગાર ખડકી દેવામાં આવ્યો છે.ભંગાર વચ્ચે આ રીતે આ તિરંગો રાખવો એ એક પ્રકારે રાષ્ટ્રધ્વજના અપમાન સમાન છે.આ ગંભીર બાબતે હજુ સુધી કોઇ ઉચ્ચ અધિકારીનું ધ્યાન નહીં ગયું હોય? કે પછી આ બાબતને તેઓ ગંભીર ગણતા નહીં હોય? તેવા સવાલો ઉઠવા પામ્યા છે.તસવીરમાં ટ્રાફિક કચેરીમાં ભંગાર સામાન વચ્ચે લહેરાઇ રહેલો રાષ્ટ્રધ્વજ નજરે પડે છે.