અમેરિકન સ્પેસ એજન્સી નાસાને મોટી સફળતા મળી છે. 24 અબજ કિલોમીટર દૂર સ્થિત નાસાના અવકાશયાન વોયેજર-1એ સંપૂર્ણ રીતે કામ કરવાનું શરૂ કરી દીધું છે. તેના તમામ ઉપકરણો મહત્વપૂર્ણ ડેટા ટ્રાન્સમિટ કરી રહ્યાં છે. ચારેય ઉપકરણો કામ કરવા લાગ્યા છે.નાસાના વોયેજર-1 સ્પેસક્રાફ્ટે ફરી એકવાર ઇન્ટરસ્ટેલર સ્પેસમાંથી મહત્વપૂર્ણ ડેટા એકત્રિત કરવાનું શરૂ કર્યું છે. નવેમ્બર 2023માં ટેકનિકલ સમસ્યાને કારણે તેની વિજ્ઞાન કામગીરીમાં વિક્ષેપ પડ્યો હતો. તેની તમામ સિસ્ટમોને કાર્યરત કરવી એ એક મહત્વપૂર્ણ સીમાચિહ્નરૂપ છે. અવકાશયાન ફરીથી સામાન્ય કામગીરી કરી રહ્યું છે, જે મિશન ટીમ માટે મોટી રાહત અને ઉત્તેજનાનો વિષય છે. તેના ચારેય વિજ્ઞાન સાધનો પૃથ્વી પર ઉપયોગી ડેટા મોકલી રહ્યા છે.સમસ્યા નવેમ્બર 2023માં શરૂ થઈ હતી, જે સ્પેસક્રાફ્ટની વિજ્ઞાન ડેટા પાછા મોકલવાની ક્ષમતાને અવરોધે છે. તેણે સામાન્ય 0 અને 1 દ્વિસંગી કોડને બદલે પૃથ્વી પર અસ્પષ્ટ ડેટા મોકલવાનું શરૂ કર્યું. વોયેજર-1 અવકાશયાન 46 વર્ષ જૂનું છે, તેથી તે આશ્ચર્યજનક ન હતું કે કંઈક ખોટું થઈ શકે. તે પૃથ્વીથી 24 અબજ કિલોમીટર દૂર છે.

બે ઉપકરણો કામ કરવા લાગ્યા
ટીમે વોયેજર-1ને ફરી એકવાર વૈજ્ઞાનિક ડેટા ટ્રાન્સમિટ કરવાનું શરૂ કરવા આદેશ મોકલ્યો હતો. આ આદેશે અવકાશયાનના ચાર સાધનોમાંથી બેને ફરી શરૂ કયર્.િ આ આદેશ પ્રાપ્ત કયર્િ પછી લગભગ તરત જ તેમના સામાન્ય ઓપરેટિંગ મોડ પર પાછા ફયર્.િ અન્ય બે સાધનોને શરૂ કરવા માટે વધારાના પ્રયત્નોની જરૂર હતી, પરંતુ તેઓ પણ હવે યોગ્ય રીતે કામ કરી રહ્યાં છે અને મહત્વપૂર્ણ વૈજ્ઞાનિક ડેટા પાછા મોકલી રહ્યાં છે.