ઇન્ડિયન એવિએશનના વિમાનો સતત સાયબર ધમકીઓનો સામનો કરી રહ્યા છે. આ વિમાનો ચીન અને અમેરિકા જેવા ઘણા દેશો માટે નિશાન બન્યા છે. કદાચ વિશ્વાસ નહીં આવે પરંતુ ભારતીય ઉડ્ડયન ઇકોસિસ્ટમને 3 મહિનામાં 80 હજારથી વધુ સાયબર હુમલાઓનો સામનો કરવો પડ્યો છે એટલે કે દરરોજ 900 હુમલાઓ થાય છે.

સાયબર પીસે 'એક્સપ્લોરિંગ સાયબર થ્રેટ્સ એન્ડ ડિજિટલ રિસ્ક્સ ઇન ધ ઇન્ડિયન એવિએશન ઇકોસિસ્ટમ' નામનો રિપોર્ટ તૈયાર કર્યો છે. જેમાં વર્ષ 2024ના જૂનથી ઓગસ્ટ વચ્ચેનો ડેટા એકત્રિત કરવામાં આવ્યો હતો. આ રિપોર્ટ રીઅલ ટાઇમ એટેક સિમ્યુલેશન અને વિશ્લેષણના આધારે તૈયાર કરવામાં આવ્યો છે, જેમાં ઇન્ડિયન એવિએશન ઇકોસિસ્ટમની સાયબર સુરક્ષામાં વધુ સુધારો કરવાની વાત કરવામાં આવી છે.

સાયબર પીસ રિપોર્ટમાં જણાવાયું છે કે જૂન અને ઓગસ્ટ 2024 વચ્ચે, ભારતીય ઉડ્ડયન ઇકોસિસ્ટમમાં 80,588 થી વધુ સાયબર હુમલા થયા છે, જે ઉડ્ડયન ઇકોસિસ્ટમ માટે એક મોટો ખતરો છે. સાયબર હુમલાખોરોએ ખાસ કરીને મુખ્ય સંદેશાવ્યવહાર અને ડેટાબેઝ પ્રોટોકોલને નિશાન બનાવ્યા હતા, જેમાં ટેલનેટ પર 64,104, માયએસક્યુએલ પર 15,629, એચટીટીપી પર 512 અને એફટીપી પર 217 હુમલાઓ થયા હતા. આ ઉપરાંત, 296 અલગ અલગ યુઝરનેમ અને 15,928 પાસવર્ડનો ઉપયોગ કરીને ઓટોમેટેડ બ્રુટ ફોર્સ પ્રયાસો પણ કરવામાં આવ્યા હતા. આ પછી પણ ઘણી ખામીઓ પ્રકાશમાં આવી. ભારતે અમેરિકા, દક્ષિણ કોરિયા, ચીન અને તાઇવાન સહિત અનેક દેશોમાં મેલેશિયસ ટ્રાફિક શોધી કાઢ્યો.

સાયબર પીસના સ્થાપક અને પ્રમુખ મેજર વિનીત કહે છે કે આ રિપોર્ટ ઇન્ડિયન એવિએશન ઇન્ડસ્ટ્રી માટે એક મોટી ચેતવણી છે. આ કોઈ વિકલ્પ નથી પરંતુ ઉડ્ડયન સુરક્ષા માટે એક આવશ્યકતા છે. આ માટે ઉડ્ડયન ઉદ્યોગ સાથે સંબંધિત સુરક્ષા એજન્સીઓએ હુમલાઓ ટાળવા માટે પગલાં લેવા જોઈએ.