શેર માર્કેટમાં પાછલા અઠવાડિયે ઘણી તેજી જોવા મળી. ત્રણ દિવસ માર્કેટ ખુલ્યું અને ત્રણેય દિવસ સેન્સેક્સ અને નિફ્ટીમાં તેજી રહી. જ્યારે ઘણી કંપનીઓના શેરમાં પણ જબરદસ્ત તેજી આવી. આ ઉપરાંત માર્કેટમાં કેટલાક મલ્ટિબેગર શેર રોકાણકારોને જબરદસ્ત વળતર આપી રહ્યા છે. આવો જ એક શેર સ્ટોક માર્કેટમાં રોકેટ બન્યો છે. તેણે 5 વર્ષમાં 1500 ટકાથી વધુ વળતર આપ્યું છે. આ મલ્ટિબેગર શેરનું નામ હિટાચી એનર્જી ઈન્ડિયા લિમિટેડ (Hitachi Energy India Ltd) છે. આ મલ્ટિબેગર સ્ટોક રોકાણકારોને સતત જબરદસ્ત વળતર આપી રહ્યો છે. ગુરુવારે આ શેર 3.74%ની તેજી સાથે 13169.35 રૂપિયા પર બંધ થયો હતો. પાછલા અઠવાડિયે સ્ટોક માર્કેટમાં માત્ર 3 દિવસ (મંગળવાર, બુધવાર અને ગુરુવાર)નો કારોબાર થયો હતો. આ ત્રણ દિવસોમાં આ શેર રોકેટની ગતિએ ભાગ્યો છે. આ ત્રણ દિવસોમાં તેણે રોકાણકારોને 10 ટકાથી વધુ વળતર આપ્યું છે.

એક વર્ષમાં 50%થી વધુ વળતર

આ શેર રોકાણકારોને એક વર્ષમાં 50 ટકાથી વધુ વળતર આપી ચૂક્યો છે. એક વર્ષ પહેલા તેની કિંમત 8294 રૂપિયા હતી. હવે 13169.35 રૂપિયા છે. આમ આ શેરનું એક વર્ષનું વળતર 58.77 ટકા રહ્યું છે. જો તમે એક વર્ષ પહેલા એક લાખ રૂપિયાના શેર ખરીદ્યા હોત તો તેની વેલ્યુ હવે દોઢ લાખ રૂપિયાથી વધુ હોત.

ત્રણ વર્ષમાં લખપતિ

આ શેરે ત્રણ વર્ષમાં જ રોકાણકારોની હજારોની રકમને લાખોમાં બદલી નાખી છે. એટલે કે તેમને લખપતિ બનાવી દીધા છે. ત્રણ વર્ષ પહેલા આ શેરની કિંમત લગભગ 3236 રૂપિયા હતી. હવે 13169.35 રૂપિયા છે. આ શેરે ત્રણ વર્ષમાં રોકાણકારોને લગભગ 300 ટકા વળતર આપ્યું છે. જો તમે ત્રણ વર્ષ પહેલા તેમાં 50 હજાર રૂપિયાનું રોકાણ કર્યું હોત તો તે રકમ વધીને આજે 1.50 લાખ રૂપિયા થઈ ગઈ હોત. એટલે કે તમે લખપતિ બની ગયા હોત.

5 વર્ષમાં કમાલ કરી દીધી

જો 5 વર્ષના વળતરની વાત કરીએ તો તેણે રોકાણકારોને છપ્પરફાડ વળતર આપ્યું છે. આ 5 વર્ષોમાં તેનું વળતર લગભગ 1560 ટકા રહ્યું છે. જો તમે 5 વર્ષ પહેલા આ કંપનીના એક લાખ રૂપિયાના શેર ખરીદ્યા હોત તો આજે તે એક લાખ રૂપિયાની વેલ્યુ 16 લાખ રૂપિયાથી વધુ હોત. એટલે કે માત્ર 5 વર્ષમાં જ એક લાખ પર 15 લાખ રૂપિયાથી વધુનો નફો થઈ ગયો હોત.