​​​​​​​આ દિવસોમાં વધતું તાપમાન લોકો માટે પરેશાનીનું કારણ બની ગયું છે. સતત વધી રહેલી ગરમીના કારણે લોકોના આરોગ્ય પર વિપરીત અસર પડી રહી છે. આકરા તાપ અને આકરી ગરમીના કારણે લોકો માટે ઘરની બહાર નીકળવું પણ મુશ્કેલ બન્યું છે. ગરમી માત્ર આપણા શારીરિક સ્વાસ્થ્યને જ નહીં પરંતુ આપણા માનસિક સ્વાસ્થ્યને પણ અસર કરે છે. ગરમીના કારણે વ્યક્તિ ઘણીવાર મૂડમાં ફેરફાર અને ચીડિયાપણું અનુભવે છે.

આ ટિપ્સની મદદથી ગરમીના કારણે થતા મૂડમાં સુધારો લાવી શકાય :  

તડકામાં જવાનું ટાળો

તડકામાં વધુ સમય રહેવાથી તણાવ, ઊંઘમાં ખલેલ, ચીડિયાપણું વધવા જેવી સમસ્યાઓ થઈ શકે છે. જે ચિંતા અને ડિપ્રેશન જેવી માનસિક સ્વાસ્થ્ય સમસ્યાઓનું જોખમ વધારી શકે છે. તેથી શક્ય તેટલું તડકામાં રહેવાનું ટાળવું જોઈએ.

યોગ્ય ફેબ્રિક પસંદ કરો

ગરમીની અસરથી બચવા અને વધારાની ગરમીને દૂર રાખવા માટે યોગ્ય કપડાં પસંદ કરો તે મહત્વનું છે. ઉનાળામાં હળવા કપડાં અને હળવા રંગના કપડાં પસંદ કરવાનો પ્રયાસ કરો. લિનન અથવા સુતરાઉ કપડાં પસંદ કરો.

યોગ્ય આહારનું પાલન કરો

ઉનાળામાં સ્વસ્થ રહેવા માટે જરૂરી છે કે આહારનું ધ્યાન રાખો. આ સિઝનમાં સ્વસ્થ રહેવા માટે હાઇડ્રેટેડ રહેવું ખૂબ જ જરૂરી છે. સ્વસ્થ રહેવા માટે  હળવો ખોરાક લો. જેમાં ફાઇબર અને પોષક તત્વોથી ભરપૂર અને પચવામાં સરળ હોય.

દિવસમાં બે વાર સ્નાન કરો

ઉનાળામાં, ઉચ્ચ તાપમાનને કારણે માનસિક સ્વાસ્થ્ય પર અસર થાય છે, જેના કારણે ગુસ્સો અને ચીડિયાપણું જેવી સમસ્યાઓ થવા લાગે છે. આવી સ્થિતિમાં, તમે તમારા મનને શાંત કરવા માટે સ્નાન કરી શકો છો. દિવસમાં ઓછામાં ઓછું બે વાર સ્નાન કરવાથી ગરમીમાં રાહત મળશે અને મન પણ શાંત રહેશે.

કસરત અથવા યોગ કરો

ઉનાળામાં મનને શાંત કરવા માટે તમે યોગ પણ કરી શકો છો. આ માટે ઘરે જ ધ્યાન, ઊંડા શ્વાસ અથવા અન્ય મનને શાંત કરતા યોગાસનો જેવી કસરતો કરી શકો છો.