જો તમે ઓફિસમાં કામ કરો છો તો તમારી સાથે ક્યારેક એવું બન્યું જ હશે કે તમે કોઈ વાતને લઈને ખરાબ મૂડમાં આવી જાવ અને ઓફિસ જવાનું મન ન થાય. પરંતુ જરૂરી નથી કે તમે આ કરી શકો. પરંતુ, એક એવી કંપ્ની પણ છે જેમાં મૂડ ખરાબ થવા પર 10 દિવસની રજા લઈ શકાય છે. નવાઈ પામશો નહીં, એ વાત સાચી છે કે ચીનની કંપ્ની પેંગ ડોંગ લાઈએ સેડ લીવ પોલિસી શરૂ કરી છે.

પાંડ ડોંગ લાઈ ચીનમાં સુપરમાર્કેટ ચેઈન છે અને તેના સ્થાપક યુ ડોંગલાઈ છે. પોતાના કર્મચારીઓને મોટી રાહત આપતા તેમણે એક નવી પોલિસી શરૂ કરી છે જેને સેડ લીવ નામ આપવામાં આવ્યું છે. 10 દિવસની રજા લેવાની સુવિધા છે, પરંતુ તેના માટે તમારો મૂડ ખરાબ હોવો જોઈએ. આમાં ખાસ વાત એ છે કે તમારે રજા લેવા માટે તમારા મેનેજરની પરવાનગી લેવાની પણ જરૂર નથી. આનો અર્થ એ છે કે ખરાબ મૂડમાં 10 દિવસ ઓફિસ આવવાની જરૂર નથી.
પેંગ ડોંગ લાઈ કંપ્નીમાં કર્મચારીઓ દિવસમાં માત્ર 7 કલાક કામ કરે છે અને આ કંપ્નીમાં 5 દિવસ કામ કરવાનો નિયમ છે. આવી સ્થિતિમાં, કર્મચારીઓને એક વર્ષમાં લગભગ 40 રજાઓ લેવાનો અધિકાર છે. રિપોર્ટ અનુસાર, ચીનમાં કાર્યસ્થળની ચિંતા પર 2021ના સર્વેક્ષણ અનુસાર, 65 ટકાથી વધુ કર્મચારીઓ કામના સ્થળે થાક અને નાખુશ અનુભવે છે. નીચા વેતન અને ઓવરટાઇમ કલ્ચર કર્મચારીઓમાં નકારાત્મક લાગણીઓના મુખ્ય સ્ત્રોત છે.

મેનેજરની પરવાનગી લેવાની પણ જર નહીં

ચીનમાં રિટેલ ઉદ્યોગપતિ યુ ડોંગલાઈએ તેમના કર્મચારીઓને કાર્ય-જીવનમાં બહેતર સંતુલન પ્રાપ્ત કરવામાં મદદ કરવા માટે ’સેડ લીવ’ શરૂ કરી છે. આ વાતની જાહેરાત કરતા તેમણે કહ્યું કે દરેક વ્યક્તિના જીવનમાં કેટલાક દિવસો એવા હોય છે જ્યારે તે દુ:ખી હોય છે અને આ માનવ સ્વભાવ છે. આવી સ્થિતિમાં, જો અમારી કંપ્નીના કર્મચારીનો મૂડ ખરાબ હોય, તો 10 દિવસની રજાની જોગવાઈ કરવામાં આવી છે. તેઓ જ્યારે ઈચ્છે ત્યારે આ રજા લેવાની તેમને સંપૂર્ણ સ્વતંત્રતા હશે. મેનેજરની પરવાનગી લેવાની પણ જરૂર નથી.