પાંચ વર્ષ પછી યોજાઈ શકેલી પ્રથમ દ્વિપક્ષીય બેઠકના ભાગ રૂપે, વડા પ્રધાન નરેન્દ્ર મોદી અને ચીનના રાષ્ટ્રપતિ શી જિનપિંગે અધિકારીઓને લદ્દાખમાં ચાલી રહેલા સરહદ વિવાદને ઉકેલવા પર વાટાઘાટો આગળ વધારવાનો નિર્દેશ આપ્યો હતો. મોદીએ એમ પણ કહ્યું હતું કે બંને પક્ષો વચ્ચેના મતભેદોને સરહદ પર શાંતિને ખલેલ પહોંચાડવા દેવી જોઈએ નહીં.
બંને નેતાઓએ ભારપૂર્વક જણાવ્યું હતું કે પરિપક્વતા અને શાણપણ સાથે અને એકબીજાની સંવેદનશીલતા, હિતો, ચિંતાઓ અને આકાંક્ષાઓ પ્રત્યે પરસ્પર આદર દશર્વિવાથી બંને દેશો શાંતિપૂર્ણ, સ્થિર અને લાભદાયી દ્વિપક્ષીય સંબંધ બનાવી શકે છે, એમ વિદેશ સચિવ વિક્રમ મિસરીએ કઝાનમાં મીટિંગ પછી.એક બ્રીફિંગમાં જણાવ્યું હતું. બંને નેતાઓનું માનવું હતું કે ભારત અને ચીન વચ્ચેના સ્થિર સંબંધો, પૃથ્વી પરના બે સૌથી મોટા રાષ્ટ્રો, પ્રાદેશિક અને વૈશ્વિક શાંતિ પર સકારાત્મક અસર કરશે, મિસરીએ કહ્યું. વાટાઘાટોમાં આવેલી જડતા તોડીને, મીટિંગમાં બંને પક્ષોએ પરસ્પર ચિંતા અને હિતોના પ્રાદેશિક અને આંતરરાષ્ટ્રીય વિકાસ ઉપરાંત વ્યૂહાત્મક અને લાંબા ગાળાના પરિપ્રેક્ષ્યથી દ્વિપક્ષીય સંબંધોની સમીક્ષા કરી હતી. તેઓ ગાઢ સંચાર જાળવવા સંમત થયા હતા તેમ તેમણે ઉમેર્યું હતું.