કોઠારીયામાં એપાર્ટમેન્ટમાં બીજા માળે આવેલા ફ્લેટની બાલ્કનીમાંથી તરુણ નીચે પટકાતા ગંભીર ઇજા થવાથી મોત નીપજ્યું હતું. તરુણ બાલ્કનીમાં હતો ત્યારે પગ લપસતાં બનાવ બન્યો હતો.

આસપાસના રહેવાસીઓ દોડી ગયા

પ્રાપ્ત વિગત મુજબ કોઠારીયા ગામમાં પ્રમુખરાજ પેમેસ -2માં બીજા માળે રહેતા કૈલાશભાઈ નકુમનો પુત્ર હર્ષલ (ઉ.વ.16)નો ગત રાત્રીના 11 વાગ્યાના અરસામાં ફ્લેટની બાલ્કનીમાં હતી ત્યારે અકસ્માતે નીચે પટકાતા પરિવારજનો અને આસપાસના રહેવાસીઓ દોડી ગયા હતા. 

ફરજ પરના તબીબે જોઈ તપાસી મૃત જાહેર કર્યો

યુવકને ગંભીર ઇજા થવાથી સારવાર માટે સિવિલ હોસ્પિટલમાં ખસેડવામાં આવતા ફરજ પરના તબીબે જોઈ તપાસી મૃત જાહેર કરતા પરિવારમાં આક્રંદ સર્જાયો હતો. બનાવ અંગે હોસ્પિટલ ચોકીના સ્ટાફે આજીડેમ પોલીસને જાણ કરતા પોલીસે હોસ્પિટલ પહોંચી જરૂરી કાર્યવાહી કરી હતી. મૃત્યુ પામનાર હર્ષલ ધો.10માં આવ્યો હતો. અને બે ભાઇમાં મોટો હતો. બાલ્કનીમાં દોડતી વખતે પગ લપસતાં અકસ્માત સર્જાયો હોવાનું પ્રાથમિક વિગતોમાં જાણવા મળ્યું છે.