Mega demolition in Delhi: Bulldozer roared in Faridabad's Nehru Colony, destroying 10 thousand houses. looming crisis
દિલ્હીમાં મેગા ડીમોલીશન: ફરીદાબાદની નેહરુ કોલોનીમાં ગર્જ્યા બુલડોઝર, ૧૦ હજાર મકાનો પર તોળાતું સંકટ 
ફરીદાબાદની ગીચ વસ્તી ધરાવતી નેહરુ કોલોનીમાં આજે વહેલી સવારથી જ વહીવટી તંત્ર એક્શન મોડમાં આવી ગયું છે. નગર નિગમની ટીમે ભારે પોલીસ કાફલા અને આધુનિક મશીનરી સાથે સરકારી જમીન પર ખડકાયેલા ગેરકાયદે બાંધકામોને તોડી પાડવાનું મોટું અભિયાન શરૂ કર્યું છે. અધિકારીઓના જણાવ્યા અનુસાર, આ સમગ્ર કાર્યવાહી માનનીય સુપ્રીમ કોર્ટ (Supreme Court) ના કડક દિશા-નિર્દેશો હેઠળ કરવામાં આવી રહી છે, જેમાં જાહેર જમીન, રસ્તાઓ અને ગ્રીન બેલ્ટને સંપૂર્ણપણે દબાણ મુક્ત કરવાનો આદેશ આપવામાં આવ્યો છે.આ મહા-અભિયાન અંગેની વિગતો આ મુજબ છે
આ કાર્યવાહી બુધવારે વહેલી સવારે ૭ વાગ્યાથી ભારે પોલીસ બંદોબસ્ત વચ્ચે શરૂ કરવામાં આવી હતી. પ્રશાસન દ્વારા ૬ જેસીબી (JCB) અને એક ક્રેન સહિતની વિશાળ તોડફોડ મશીનરી કામે લગાડવામાં આવી છે.

આખો વિસ્તાર પોલીસ છાવણીમાં ફેરવાયો
કોઈપણ પ્રકારના વિરોધ કે અનિચ્છનીય ઘટનાને રોકવા માટે સમગ્ર કોલોનીને લશ્કરી છાવણીમાં ફેરવી દેવામાં આવી છે.
રસ્તાઓ બંધ:- નેહરુ કોલોની તરફ જતા મુખ્ય પાંચ રસ્તાઓ જેવા કે મેટ્રો રોડ, સૈનિક કોલોની, વીજળી ઓફિસ માર્ગ, મુલ્લા હોટેલ ક્ષેત્ર અને તારણ નંબર પર બેરિકેડિંગ કરીને સામાન્ય લોકોની અવરજવર પર પ્રતિબંધ લગાવી દેવાયો છે.
જન્જીવન પ્રભાવિત:- રસ્તાઓ બંધ થવાના કારણે સ્થાનિક લોકો અને સવારે ઓફિસ જવા નીકળેલા નોકરિયાતોને ભારે હાલાકી ભોગવવી પડી રહી છે.
કાર્યવાહી પાછળ સુપ્રીમ કોર્ટનો આદેશ અને તંત્રની દલીલનગર નિગમના અધિકારીઓના જણાવ્યા અનુસાર, આ તોડફોડ સર્વોચ્ચ અદાલતના કાયદાકીય નિર્દેશો હેઠળ કરવામાં આવી રહી છે.
સરકારી જમીન પર કબ્જો
અદાલતે જાહેર રસ્તાઓ, સરકારી જમીન અને ગ્રીન બેલ્ટ પર થયેલા તમામ ગેરકાયદેસર બાંધકામો હટાવવાનો આદેશ આપ્યો છે.
વિકાસ યોજનાઓ માટે જરૂરી:-આ જમીન પુનર્વસન વિભાગની છે અને તેના પર વર્ષોથી આ વસાહત ઉભી થઈ ગઈ હતી. આગામી સમયમાં આ સરકારી જમીન પર વિવિધ વિકાસલક્ષી પ્રોજેક્ટ્સ શરૂ કરવાના હોવાથી જગ્યા ખાલી કરાવવી અનિવાર્ય બની છે.
૫ લાખ લોકો પ્રભાવિત:- ઘરવિહોણા થતા પરિવારોની 'પુનર્વસન' ની માંગસ્થાનિક રહેવાસીઓના મતે, આ કોલોનીમાં વર્ષોથી આશરે ૧૦ હજાર જેટલા મકાનો બનેલા છે અને અંદાજે ૫ લાખ લોકો પ્રત્યક્ષ કે પરોક્ષ રીતે અહીં વસવાટ કરે છે.
વિરોધના સૂર:- અગાઉ આ વિસ્તારમાં બનેલા ગેરકાયદેસર ધાર્મિક સ્થળો તોડી પાડવામાં આવ્યા ત્યારે લોકોએ સહકાર આપ્યો હતો. પરંતુ હવે હજારો રહેણાંક મકાનો તોડતા પહેલા ગરીબ પરિવારો માટે રહેવાની વૈકલ્પિક વ્યવસ્થા (પુનર્વસન) કેમ કરવામાં ન આવી તેવા સવાલો ઉઠી રહ્યા છે.
તંત્ર સમક્ષ રજૂઆત:-અસરગ્રસ્ત પરિવારોના એક પ્રતિનિધિમંડળે મંગળવારે ડેપ્યુટી કમિશનર (DC) ની મુલાકાત લઈને વૈકલ્પિક આવાસ આપવાની માંગ કરી હતી અને તેઓ સ્વેચ્છાએ જગ્યા ખાલી કરવા તૈયાર હોવાનું જણાવ્યું હતું. હાલમાં આટલી મોટી વસ્તીના ભવિષ્યને લઈને ચિંતાનો માહોલ છે.