બહુજન સમાજ પાર્ટીના રાષ્ટ્રીય અધ્યક્ષ માયાવતીએ તેમના ભત્રીજા આકાશ આનંદને બે મહત્વપૂર્ણ પદો પરથી હટાવી દીધા છે. આકાશ આનંદને રાષ્ટ્રીય સંયોજક અને બીએસપી વડા માયાવતીના ઉત્તરાધિકારી જાહેર કરવામાં આવ્યા હતા. તેણે સોશિયલ મીડિયા દ્વારા આ જાણકારી આપી છે. હવે આકાશ આનંદની ખુરશી છોડવા અંગે અનેક અટકળો લગાવવામાં આવી રહી છે.

આકાશ આનંદના કેટલાક ભાષણોથી માયાવતી નારાજ હોવાનું કહેવાય છે. પોતાના સોશિયલ મીડિયા પર માહિતી આપતા તેમણે લખ્યું કે, પાર્ટીમાં અન્ય લોકોને પ્રમોટ કરવાની સાથે તેમણે આકાશ આનંદને રાષ્ટ્રીય સંયોજક અનેતેમના અનુગામી તરીકે જાહેર કયર્િ હતા, પરંતુ જ્યાં સુધી સંપૂર્ણ પરિપક્વતા પ્રાપ્ત ન થાય ત્યાં સુધી તેમને આ બે મહત્વપૂર્ણ જવાબદારીઓ આપવામાં આવશે નહીં.

જો સૂત્રોનું માનીએ તો, આકાશ આનંદ જે રીતે તેમની જાહેર સભાઓમાં વર્તમાન સરકાર તેમજ પીએમ નરેન્દ્ર મોદી અને સીએમ યોગી આદિત્યનાથ પર શાબ્દિક હુમલો કરી રહ્યા હતા તેનાથી માયાવતી નારાજ હતા. તાજેતરમાં, 28 એપ્રિલે આકાશ આનંદે સીતાપુરમાં એક જાહેર સભા કરી હતી, ત્યારે તેણે કરેલી ટિપ્પણી ખૂબ ચચર્નિો વિષય બની હતી.

સૂત્રોના જણાવ્યા મુજબ આકાશ આનંદને ગયા મહિને જ ચેતવણી આપવામાં આવી હતી કે તેઓ ભાષણો દરમિયાન પોતાની ભાષા પર નિયંત્રણ રાખે. જો કે, આ પછી પણ તેઓ સહમત ન થયા અને તેમના નિવેદનો ચાલુ રહ્યા. માયાવતીને સીતાપુરમાં આતંકવાદીઓની સરકાર અને સરકાર દેશદ્રોહી હોવા જેવી તેમની ટિપ્પણીઓ પણ પસંદ નથી આવી.

ભાજપને આતંકવાદીઓની સરકાર ગણાવી હતી
આકરા પ્રહારો કરતાં તેમણે પીએમ મોદી ભાજપ સરકારને બુલડોઝરની સરકાર કહેવા પર વિપક્ષી પાર્ટીઓ પર સવાલ ઉઠાવી રહ્યા છે, પરંતુ વાસ્તવમાં આ બુલડોઝરની સરકાર નથી, પરંતુ આતંકવાદીઓની સરકાર છે. આ સરકારે દેશની જનતાને ગુલામ બનાવી છે. ભાજપ સરકારને આતંકવાદી ગણાવવા બદલ આકાશ આનંદ વિરુદ્ધ બીજેપીએ સીતાપુરમાં એફઆઈઆર દાખલ કરી હતી. જો કે આ સિવાય આકાશ આનંદે તાજેતરમાં જ પોતાના નિવેદનમાં બહુજન સમાજ પાસેથી વોટ માંગનારાઓને જૂતાં મારીને ભગાડવાની વાત કરી હતી. અન્ય એક નિવેદનમાં, તેમણે જે રીતે રામ મંદિરની મુલાકાત ન લેવાના પક્ષના નિર્ણયોને લઈને નિવેદન આપ્યું હતું, તેના પર સવાલો ઉભા થઈ રહ્યા છે. આ તમામ રાજકીય ઘટનાક્રમ બાદ તેમની ચૂંટણી રેલી રદ કરવામાં આવી હતી.